Êsai 8:17 - Sơ̆p Hlabơar Nơ̆r 'Bok Kei-Dei

¹⁷ Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Êsai 8:17 Referans Kwoze

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Horiso 33:20

Bơhngol lu nhôn chang gô Kră Yang, Sư boih tơdrong dŏng tơgŭm păng khêl lu nhôn.

Êsai 54:8

Lăm jơhngơ̆m Inh oei hil mĭl dêh. Inh ôn muh măt Inh ưh kơ đei lăng iĕm minh rơwưh minh bruh minh 'biơ̆. Mă-lei yua kơ jơhngơ̆m đon 'mêm mơnat tih ling-lang. Inh gô mơnat kơ iĕm.” Kră Yang, Tơ'ngla dŏng pơklaih iĕm khan thoi noh.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Êsai 59:2

Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

I Tes 1:10

Păng iĕm chang gô Kon Sư jur đơ̆ng plĕnh pă minh 'măng dơ̆ng. Yêsu boih Kon Sư; 'Bok Kei-Dei tơiung arih Sư đơ̆ng lôch. Yêsu boih dŏng pơklaih bơ̆n đơ̆ng tơdrong phak ning-mônh.

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Both 32:20

Kră Yang khan: Inh gô ôn muh măt Inh ưh pă lăng lu sư wă lăng lăng tuch-luch lu sư thoi yơ, lu sư minh adrĕch hơlĕnh kơnê̆ dêh, jơ̆ lu kon mă ưh kơ tơnăp.

II Tes 3:5

Nhôn krao khan kơ Sư apinh Sư ăn kơ iĕm đei đon 'mêm kơ 'Bok Kei-Dei păng apinh Sư ăn kơ iĕm adrin lui kơjăp lăm dôm tơdrong pơmat-tat kư̆m thoi Kră Yang Yêsu Krist adrin hơtai Sư oei tơ ala teh âu sơ̆ mơ̆n.

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Horiso 39:7

Ơ Kră Yang, dang ei inh chang gô yă kiơ? Tơdrong inh chang gô tơ lăm Ih.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Horiso 130:5

Inh chang gô Kră Yang. Bơhngol inh chang gô Sư; Păng inh gơnang hơmĕng kơ nơ̆r Sư.

Bl 49:18

Ơ Kră Yang! Inh chang tơdrong dŏng pơklaih đơ̆ng Ih!

Luka 2:38

Na sư kư̆m năm tơ mĕ 'bă Yêsu mơ̆n. Sư bơnê kơ 'Bok Kei-Dei păng roi lê̆ hơdrol gah tơdrong Yêsu kơ đĭ-đăng lu bơngai mă chang gô 'Bok Kei-Dei pơklaih lu kon pơlei Jêrusalem.

Êsai 64:4

Đơ̆ng sơ̆ đe ưh tam mă băt, đon ưh tam mă kơtơ̆ng, măt ưh tam mă 'bôh Kră Yang nai 'nguaih kơ Sư. Tơ'ngla mă đei pơm ăn bơih kơ lu bơngai mă chang gô Sư noh.

Êsai 33:2

Ơ Kră Yang mơnat bĕ kơ lu nhôn! Lu nhôn oei chang gô Ih, Apinh ih ăn kơ nhôn đei jơhngơ̆m pran rim năr rim pơgê, apinh Ih dŏng pơklaih lu nhôn đơ̆ng lăm tơdrong pơmat-tat!

Horiso 40:1

Inh adrin chang gô Kră Yang. Sư pơgling đon mơ̆ng nơ̆r inh krao ôr.

Horiso 37:34

Chang gô bĕ Kră Yang păng wei kiơ̆ trong Sư, Sư gô hơtŏk ih wă kơ đei teh! Mưh lu kơnê̆ răm đĭ, Ih gô 'bôh tơdrong noh.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Hêbrơ 2:13

Sư khan dơ̆ng thoi âu: “Inh gơnang kơ Ih tơpă.” Sư kư̆m khan dơ̆ng thoi âu: “Inh oei hơdai hăm lu kon Inh mă đơ̆ng Ih pơjao.”

Jop 13:24

Yua kơ kiơ Ih ôn muh măt đơ̆ng inh, Lăng inh thoi bơngai ayăt?

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 45:15

Sĭt tơpă Ih Kră Yang 'Bok Kei-Dei ôn akâu Ih, Ơ Kră Yang 'Bok Kei-Dei Ih, jơ̆ Kră Yang dŏng pơklaih đe Isơrael.

Je 33:5

Tơblah hăm lu bơngai Kalđê, lu hnam 'nâu 'bĕnh kơ atâu akâu bơngai Inh pơlôch lăm năr Inh hil, lăm năr Inh mĭl. Yua kơ lu kon pơlei âu pơm yoch na Inh ôn boih muh măt Inh đơ̆ng pơlei âu.

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Jop 35:14

Pơma kiơ kơ ih, liơ mă 'bôh Kră Yang 'Bok Kei-Dei gơh mơ̆ng ih. Mưh ih khan ih ưh kơ 'bôh Kră Yang. Tơdrong ih kêng truh 'bơ̆t anăp Kră Yang bơih, păng ih oei răp gô Kră Yang sek tơlang!

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.