Êsai 7:21 - Sơ̆p Hlabơar Nơ̆r 'Bok Kei-Dei

²¹ Lăm năr noh rim 'nu gô rong minh pôm rơmo adruh păng 'bar tŏ triu đĕch.

Êsai 7:21 Referans Kwoze

Je 39:10

Nebusaradan, yŏng lu linh gak ưh kơ rôp ba ôh mơ'nah lăm lu kon pơlei dơnuh hin dêh, mir chŭn ưh kơ đei lê̆ lu sư oei kơtă lăm char Juđa, asong ăn kơ lu sư chŭn mir pơgar hơmu.

Êsai 5:17

Kơplah noh lu triu kon gô sa 'nhĕt, nhen thoi tơ tơmăn 'nhĕt sư kơdih, gah triu gô đei sa đêl đơ̆ng chŭn lu bơngai mơdrŏng lê̆ bri.

Êsai 37:30

Ơ Hesekia tơdrong âu jơ̆ tơdra wă kơ ih kơnăl: Sơnăm 'nâu ih gô đei sa plei chăt bluh kơdih đơ̆ng lăm mir chŭn, sơnăm đơ̆ng rŏng ih oei sŏng sa phe 'ba chăt kơdih mơ̆n, truh sơnăm mă pêng, ih athei rei păng yuă, ih pơtăm bĕ 'long hơmu păng sa plei sư.

Êsai 17:2

Lu pơlei Arôe đĭ jing juơ rơhiăng jing anih ăn kơ lu triu drum pơdơh, ưh pă đei hli kơ kiơ dơ̆ng.

Êsai 7:25

Kŭm ưh kơ đei bơngai bu năm tơ đêl anih sư choh jang noh dơ̆ng yua kơ hli kơ lu 'long jơla 'nhĕt jơla hro 'bĕnh-'bang, mă-lei gô ăn kơ rơmo sa păng triu pơjuă anih noh.

Êsai 14:30

Kơplah 'nei kơnh lu bơngai dơnuh gô đei tơmam sa, bơngai kơ'bah hoh kơđei gô phĭ hiôk, mă-lei Inh gô pơm kơ yă 'bok tơm rơh adrĕch adrung ih lôch kơ pơngot, păng lu bơngai oei arih Inh gô pơlôch.

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 35:1

Char glă păng teh phang-ang hrĕng kro gô chơt hiôk. Anih bri brah gô 'nă hal, păng đei bluh pơkao thoi pơkao gôh.