Êsai 7:19 - Sơ̆p Hlabơar Nơ̆r 'Bok Kei-Dei

¹⁹ Sut păng roi gô truh kôp tơ lăm chhom kông, tơ lăm trôm tơmo, tơ tơm 'long jơla, tơ đak dơnâu.

Êsai 7:19 Referans Kwoze

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Je 16:16

Kră Yang khan: “'Nâu, Inh gô wơh lơ bơngai traih ka, wă kơ chă traih rôp lu sư, đơ̆ng noh Inh gô wơh lơ bơngai lua wă kơ chă lua lu sư đơ̆ng jơ̆p kơ kông groi dah lăm hơgơp tơmo.

Mi 7:17

Lu sư gô liah 'mui teh thoi 'bih păng hli tơrơ lĕch đơ̆ng lăm trôm teh lu sư thoi lu sem brem mơmŏ kơpal teh; lu sư gô hli tơrơ na lu sư wih tơ Kră Yang 'Bok Kei-Dei lu bơ̆n, yua kơ ih na lu sư hli tơrơ.

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Mathiơ 7:16

Iĕm băt kơ sư bơngai kơnê̆, yua kơ iĕm 'bôh tơdrong kơnê̆ sư pơm. Kư̆m thoi lu 'long, khŭl 'long jơla ưh kơ gơh pơjing plei hơmu ôh; thoi lĕ kơ 'long bơmrôm sư ưh kơ gơh pơjing plei hơra ôh.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Êsai 7:24

Đe gô chĕp ba hră hăm 'brơ̆m truh tơ noh yua kơ jơ̆p dêh noh 'bĕnh kơ 'long jơla 'nhĕt jơla ngăl.

Êsai 7:25

Kŭm ưh kơ đei bơngai bu năm tơ đêl anih sư choh jang noh dơ̆ng yua kơ hli kơ lu 'long jơla 'nhĕt jơla hro 'bĕnh-'bang, mă-lei gô ăn kơ rơmo sa păng triu pơjuă anih noh.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.