Êsai 7:16 - Sơ̆p Hlabơar Nơ̆r 'Bok Kei-Dei

¹⁶ Na hơdrol kơ hơ'lơ̆p ei băt tŭk tơdrong kơnê̆ păng rơih iŏk tơdrong 'lơ̆ng, teh đak 'bar 'nu pơtao mă ih hli noh gô jing juơ.

Êsai 7:16 Referans Kwoze

Êsai 8:4

Yua kơ adrol kơ kon nge noh gơh pơma krao, 'Bă ơi! Mĕ ơi! Đe gô iŏk lê̆ mŭk tơmam gĭt đơ̆ng pơlei Đamas păng tơmam tơgar iŏk đơ̆ng Samari năm ba 'bơ̆t anăp pơtao Asiri.

Both 1:39

Lu kon hơ'lơ̆p lu iĕm păng lu iĕm khan thoi kơ minh pôm tơmam prăn đĕch păng lu kon drŏ-nglo iĕm dang ei tam mă băt ôh tơdrong 'lơ̆ng dah tơdrong kơnê̆, gô mơ̆t tơ dêh noh; Inh gô ăn kơ lu sư dêh âu bơ̆jang sa,

Jôna 4:11

Na Inh ưh kơ 'mêm kơ pơlei Niniwe ôh hă, lăm noh đei hloh kơ minh-hrĕng 'bar-jĭt rơbâu kơ̆l kon bơngai ưh kơ băt ti gah 'ma liơ dah ti gah 'ngiĕo liơ păng kư̆m đei lơ sem dơrong hai?

Hôsia 5:9

Char Êphraim jing anih juơ lăm năr đei tơdrong bơtho pơjĭ; tơ adrĕch Isơrael Inh tơbăt tơdrong 'nâu truh sĭt.

Êsai 9:11

Kon pơlei Siri, tơ anăp, kon pơlei Philistin gah rŏng ha 'bơ̆r gô luăn sa Isơrael, mă đơ̆ng lei ră, tơdrong Kră Yang hil ưh kơ ngach ôh păng ti Kră Yang oei yơ̆r tơ kơpal pơm kơ lu sư.

II Pot 16:9

Pơtao đe Asiri drơ̆ng iŏk nơ̆r Ahas apinh, sư năm blah Pơlei Đamas păng tơgar iŏk pơlei 'noh, rôp ba kon pơlei sư pơm bơnă tơ Pơlei Kir păng pơlôch lê̆ pơtao Rêsin.

Êsai 8:14

Sư gô jing anih kơ'nơp kơjăp Mă Sư kư̆m thoi tơmo pơm kơ đe kơtơih pơ̆k păng tơmo tih pơm kơ Isơrael păng Juđa huŏng păng thoi hơđong hơnhuăl đăk kơ kon pơlei oei lăm pơlei Jêrusalem mơ̆n.

Je 7:15

Inh gô pơpuh lu iĕm đơ̆ng anăp Inh, kư̆m thoi Inh đei pơpuh boih 'nhŏng oh lu iĕm, đĭ-đăng lu adrĕch kon sâu Êphraim.

Hôsia 5:3

Inh băt kơ khŭl Êphraim; păng lu bơngai Isơrael, ưh kơ hlơp kơ Inh ôh. Dang ei, ơ Êphraim, ih pơm pơyô ngôi kư̆ kă boih; păng lu bơngai Isơrael 'mê̆-'mach boih.