Êsai 66:5 - Sơ̆p Hlabơar Nơ̆r 'Bok Kei-Dei

⁵ Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Êsai 66:5 Referans Kwoze

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Mathiơ 10:22

Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.

Horiso 38:20

Lu bơngai 'mong tơdrong kơnê̆, đêl inh pơm 'lơ̆ng. Noh kư̆m jâu inh, yua kơ inh kiơ̆ trong 'lơ̆ng.

Yo 9:34

Lu sư khan: “Ih măt tol đơ̆ng 'nao tơpŭ kơ ih sơ̆ kơlih kơ tơdrong yoch, na liơ ih wă bơtho lu nhôn dơ̆ng?” Lu sư pơpuh tơlĕch hloi bơngai ei tơ 'ngoaih.

Je 36:16

Lu sư 'nao mơ̆ng đĭ dôm nơ̆r noh, na lu sư hli pơglăn băl păng khan kơ Baruk: “Lu nhôn gô khŏm chĕp ba nơ̆r âu năm roi kơ pơtao.”

Êsai 5:19

Lu sư khan: “Apinh Ih jah pơm pơkeh tơdrong jang Ih, wă kơ lu nhôn 'bôh! Apinh tơdrong tơdă đơ̆ng Yang 'Lơ̆ng Rơgoh Isơrael jah truh, jing keh. Wă kơ lu nhôn băt.”

Hơri Hiôk 1:6

'Nĕ kơ pơglăn tơ inh, yua kơ inh jơmăng, Yua kơ đơ̆ng tŏ sa. Lu kon tơdăm mĕ inh areh kơ inh, Jao inh wei-lăng pơgar hơmu lu sư; Na pră lê̆ pơgar hơmu inh ưh kơ đei bu wei-lăng!

I Yo 3:13

Ơ 'nhŏng oh, tơdah lu bơngai ala teh âu hil areh kơ iĕm, iĕm 'nĕ lăng sư hlĭch tơdrong kiơ hŏ.

Luka 13:17

Yêsu tơl thoi noh na lu bơngai mă areh kơ Yêsu mơlâu, mă-lei lu kon pơlei pơla chơt hiôk yua kơ 'bôh Sư pơm lơ tơdrong mơsêh mơyang mơnat kơ lu sư.

Tơdrông Pơđơk 13:13

Bơngai sơngah tơdrong bơtho, to sư gô hiong răm; Mă-lei bơngai đei bu pơyom kơ nơ̆r tơtă gô apah bơnê.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Êsai 60:15

Sơ̆ đe hiơt đe areh kơ ih, păng ưh kơ đei bu năm rok lăm ih. 'Nâu Inh gô pơm ăn kơ ih jing rŏ ling-lang, jing tơdrong chơt hiôk kơ lơ bơngai ling-lang hlŏng hloi.

II Tes 1:12

Kơlih kơ iĕm lui kơjăp thoi noh boih na đe ư-ang Kră Yang bơ̆n Yêsu. Păng Sư gô ăn kơ iĕm oei hơdai hăm Sư ning-mônh hiôk hơiă tơpă. Kră Yang bơ̆n 'Bok Kei-Dei păng Yŏng bơ̆n Yêsu Krist, Sư boih ăn kơ lu iĕm lui kơjăp thoi noh.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 22:10

Saphan bơngai chih hla bơar khan: “Hilkia, 'bok soi tơm, sư ăn kơ inh minh sơ̆p hla bơar.” Đơ̆ng noh Saphan, đŏk tơm măt pơtao.

II Ho 34:27

‘Yua kơ ih đei jơhngơ̆m rơmuăn tơjur akâu kơdih 'bơ̆t anăp Kră Yang 'Bok Kei-Dei wă ih kơtơ̆ng nơ̆r Sư khan wă hil phak anih 'nâu păng kơ kon pơlei oei lăm âu, ih tơjur boih akâu 'bơ̆t anăp Inh, hek ao păng nhơ̆m hmoi 'bơ̆t anăp Inh, Inh kư̆m kơtơ̆ng boih nơ̆r ih,’ Kră Yang khan.

Esơra 9:4

Đei lu bơngai băt chu yom nơ̆r Kră Yang 'Bok Kei-Dei đe Isơrael pơma lu sư akŭm tăp dăr kơ inh, lu sư hli kơ tơdrong yoch tih mă lu bơngai 'nao wih brŏk đơ̆ng pơm bơnă đei pơm yoch noh, gah inh ngôi hơ-oei hli tơtơ̆ dĭng truh tơ đei pơyơ̆r tơmam soi kiơ̆ kơsơ̆.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.