Êsai 66:3 - Sơ̆p Hlabơar Nơ̆r 'Bok Kei-Dei

³ Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Êsai 66:3 Referans Kwoze

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsai 66:17

“Lu bơngai mă hơmet akâu sư kơdih, wă năm mơ̆t tơ lu pơgar, kiơ̆ minh 'nu bơngai dơ̆ng tŏk-bŏk noh, sa 'nhĕm nhŭng, 'nhĕm kơne, lu tơmam sa kơnê̆ krưp.” Kră Yang khan: “Lu sư gô tơ'bơ̆p tơdrong tôch hiong răm pơđĭ.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Lêwi 2:2

Sư gô ba ăn kơ lu 'bok soi kon drŏ-nglo Arôn; lu 'bok soi gô chup iŏk minh kơđôp tơpŭng mă hrâu hăm đak rơmă ôliwơ noh păng hơdai hăm đĭ-đăng tơmam 'bâu phu sư; păng wă soh đĭ tơmam soi noh tơ kơpal chơnang soi, pơm 'blŏk hơdơ̆r minh tơdrong soi pơyơ̆r 'buh soh hăm ŭnh wă kơ 'bâu phu 'lơ̆ng ăn kơ Kră Yang.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.

Both 14:8

Păng nhŭng kư̆m ưh kơ 'lơ̆ng rơgoh; yua kơ sư đei kơchôp blah 'bar, mă-lei ưh kơ gơh mơkan: Jô̆ tơmam noh ưh kơ rơgoh ăn kơ lu iĕm, 'nĕ kơ sa 'nhĕm kon sem brem noh păng kư̆m 'nĕ kơ hơtŭt 'bơm akâu dah lu sư lôch.

Lu 10:14

Năm krao chă bĕ lu yang mă iĕm rơih iŏk boih; lê̆ lu sư dŏng pơklaih lu iĕm mưh lu iĕm đei gleh pơmat-tat?

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

Lu 5:8

Đe rơih iŏk boih lu yang 'nao; Na lu bơngai ayăt mơ̆t tơblah truh tơ 'măng dur pơlei. Lăm lu puăn-jĭt rơbâu 'nu lu bơngai Isơrael ưh kơ đei bu đei khêl kư̆m ưh kơ đei bu đei hơlă.

Êsai 44:19

Ưh kơ đei bu gơh chă tơchĕng. Ưh kơ đei bu hlôh băt, wă pơma khan: “Inh tơkuh iŏk minh puăt bơih pơm 'long ŭnh inh 'buh 'bĕng kơpal ngar ŭnh, 'buh 'nhĕm păng inh sa bơih. Oei rơkah pă minh puăt inh hăm yua pơm tơmam krưp đe areh ưh? Inh hăm năm bon kơkuh kơ minh jăl 'long ưh?”

Êsai 65:2

Inh yơ̆r ti Inh prăt năr tơ gah minh adrĕch kon pơlei mă arăng kơ̆l. Lu bơngai mă năm lăm trong ưh kơ 'lơ̆ng, kiơ̆ kơ đon kơdih tơchĕng.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Lu 21:25

Lăm kơplah 'noh ưh kơ đei pơtao ôh lăm bơngai Isơrael, na rim 'nu chă pơm kiơ̆ tơdrong tơchĕng kơdih khan trŏ.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Hagai 2:14

Hagai khan thoi âu: “Kră Yang khan kon pơlei 'nâu. ‘Dêh char 'nâu, oei 'bơ̆t anăp Inh kư̆m thoi noh, mă đĭ dôm tơdrong lu sư jang kư̆m lei-lăi tơmam sa sư pơyơ̆r tơ âu kư̆m kơnê̆ 'mê̆-'mach.’