Êsai 64:6 - Sơ̆p Hlabơar Nơ̆r 'Bok Kei-Dei

⁶ Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Êsai 64:6 Referans Kwoze

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

Rom 7:24

Na inh âu boih bơngai ưh kơ yua tơpă, tơdrong kơnê̆ 'bĕnh kơ akâu ling-lang, na inh wă lôch đĕch boih. Dang ei bu gơh dŏng inh âu?

Sa 3:3

Kơplah ei Jôsua hrŭk ao mơgrĭ, dơ̆ng 'bơ̆t anăp linh jang.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Jop 14:4

Bu gơh pơm đơ̆ng bơngai pơm kơnê̆ 'mê̆-'mach mă jing 'lơ̆ng rơgoh? Ưh kơ đei bu!

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

Êsai 46:12

Ơ lu bơngai jơhngơ̆m arăng. Lu bơngai kơ chu mơ̆ng bĕ Inh pơma.

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Tơdrông Tơ'bôh 7:13

Klaih kơ noh đei minh 'nu lăm 'bar-jĭt puăn 'nu lu đe kră ei jet inh khan: “Ih hăm băt kơ lu bơngai mă hrŭk ao tai kok noh păng ih hăm băt kơ lu sư đơ̆ng yơ?”

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Hôsia 4:19

Tơdrong thoi kial yua pơnăr sư gom lê̆ lu sư boih, lu sư gô mơlâu dêh kơ tơdrong lu sư pơm yang.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Horiso 1:4

Lu bơngai kơnê̆ ưh kơ đei thoi noh; Lu sư thoi hơnong 'ba kial pơđông.

Jop 40:4

Inh bơngai ưh kơ yua kiơ liơ inh gơh tơl Kră Yang? Inh iŏk ti đơ̆p 'bơ̆r ưh kơ pơ̆n pơma.

Êsai 1:30

Lu iĕm gô nhen thoi 'long kôih hla sư jô kro, nhen thoi pơgar 'long ưh kơ đei đak.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Lêwi 13:12

Tơdah Jĭ chin lanh jơ̆p kơ akâu akar sư, đơ̆ng kơ̆l truh tơ jơ̆ng, jơ̆p-jang 'bok soi lăng 'bôh nhen.

II Sam 22:46

Lu bơngai dêh char 'nguaih hiong đĭ jơhngơ̆m pran, Đơ̆ng lăm kơđông kơjăp hli tơtơ̆ kơdâu lĕch tơ 'nguaih.

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Êsai 43:22

Mă-lei, ơ Jakôp, iĕm ưh kơ krao apinh Inh! Ơ Isơrael iĕm đĭ bơ̆l kơ Inh bơih!

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Hôsia 7:7

Đĭ-đăng lu sư tơtŏ thoi tơnuh ŭnh, đơ̆ng noh sa lu kră sek tơlang, đĭ-đăng pơtao lu sư huŏng boih mă-lei ưh kơ đei bu lăm lu sư krao chă Inh.