Êsai 64:5 - Sơ̆p Hlabơar Nơ̆r 'Bok Kei-Dei

⁵ Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Êsai 64:5 Referans Kwoze

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.

Malachi 3:6

“Yua kơ Inh jơ̆ Kră Yang, Inh ưh kơ đei layơ tơplih, yua kơ thoi noh, lu iĕm jơ̆ kon drŏ-nglo Jakôp, huay kơ lôch hiong.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 37:4

Hiôk chơt bĕ lăm Kră Yang, na Sư gô ăn kơ ih tơdrong kiơ ih 'maih wă.

Horiso 25:10

Lu trong Kră Yang 'mêm mơnat păng tơpăt ngăl Ăn kơ bu mă bơwei nơ̆r Sư pơkă păng tơdrong Sư pơgơ̆p.

Le 30:6

Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Da 9:5

Lu nhôn pơm yoch boih, pơm tơdrong ưh kơ trŏ, oei arih sa kơnê̆, lu nhôn ưh kơ chu păng achăng lê̆ tơdrong juăt păng nơ̆r Ih tơtă.

Êsai 1:30

Lu iĕm gô nhen thoi 'long kôih hla sư jô kro, nhen thoi pơgar 'long ưh kơ đei đak.

Êsai 27:8

Kŭm thoi noh lăm tơdrong Ih phak lu sư dă 'biơ̆ na puh lu sư năm tơ nai, Ih yua kial tih pơpuh lê̆ lu sư tơ ataih, thoi lăm năr đei kial bah đơ̆ng hơlĕch.

Sa 3:3

Kơplah ei Jôsua hrŭk ao mơgrĭ, dơ̆ng 'bơ̆t anăp linh jang.