Êsai 64:10 - Sơ̆p Hlabơar Nơ̆r 'Bok Kei-Dei

¹⁰ Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Êsai 64:10 Referans Kwoze

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Nhom 5:18

Yua kơ kông Siôn jing juơ rơhiăng, Kŏ bri yak rok noh.

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

Luka 21:21

Kơplah noh lu bơngai mă oei tơ dêh Juđê athei jăk tơ kông, lu bơngai mă oei lăm Pơlei Jêrusalem âu athei kơdâu jăk đơ̆ng pơlei, lu bơngai mă oei tơ 'ngoaih Pơlei Jêrusalem 'nĕ pă mơ̆t tơ pơlei dơ̆ng.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

Êsai 63:18

Kon pơlei 'lơ̆ng rơgoh Kră Yang 'nao đei anih 'nâu ưh tăm mă đunh; mă-lei bơngai ayăt kơ nhôn pơjuă lê̆ bơih anih 'lơ̆ng rơgoh Ih.

Nhom 1:7

Lăm năr pơmat-tat, Jêrusalem 'blŏk kơ đêl sư chơt hiôk; Kơplah kon pơlei sư huŏng lăm ti lu ayăt ưh pă đei bu năm dŏng sư dơ̆ng. Khŭl linh ayăt 'bôh sư thoi noh, na hiĕk ăr kơ sư yua kơ đĭ juơ juŏ!

Hagai 2:3

‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’