Êsai 64:1 - Sơ̆p Hlabơar Nơ̆r 'Bok Kei-Dei

¹ Ơ! Kuă kơ kiơ Kră Yang hek plĕnh na jur tơ teh, wă pơm kơ kông pơpơ̆ 'bơ̆t anăp Ih.

Êsai 64:1 Referans Kwoze

Markôs 1:10

Lăp Yêsu tŏk đơ̆ng đak, Sư 'bôh hloi plĕnh tơpơih păng Yang Bơhngol 'Lơ̆ng thoi lĕ sem kơtơp jur oei tơ Sư.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Horiso 68:8

Teh gô pơpơ̆, đơ̆ng plĕnh gô đei 'mi jur 'bơ̆t anăp Kră Yang 'Bok Kei-Dei. Kông Sinai kư̆m pơpơ̆ 'bơ̆t anăp Kră Yang 'Bok Kei-Dei, jơ̆ Kră Yang 'Bok Kei-Dei lu bơngai Isơrael.

Am 9:13

Kră Yang khan: Năr gô truh tơ anăp kơnh lu bơngai choh rơmo gô tam lu bơngai lu bơngai yuă, lu bơngai pơjuă plei hơmu gô kiơ̆ tam lu bơngai rei adrĕch. Lu kông gô lĕch sik hơmu 'ngam păng sik hơmu gô ro đơ̆ng jơ̆p-jang lu groi kông.

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Horiso 46:6

Kon pơlei rŭng răng, dêh char noh pơpơ̆ ying-yông. Kră Yang 'Bok Kei-Deic sơkat, teh gô lek đĭ.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Am 9:5

Yua kơ Kră Yang Tih Hloh, sư pel 'bơm teh, teh lek đĭ, đĭ-đăng kon pơlei oei lăm noh gô nhơ̆m hmoi jơ̆p kơ teh đak tŏk blai thoi đak krong Nil păng sư gô hrơ̆ thoi đak krong dêh Êyiptơ.

Êsai 41:15

Âu, inh gô pơm kơ lu iĕm nhen thoi minh pôm tơmam preh 'ba 'nao hơnĕnh sư lơ păng han dêh, lu iĕm gô preh lu kông pơhĕch lê̆ lu Sư, lu groi jing thoi hơkam 'ba.

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Sa 14:4

Lăm năr noh; jơ̆ng Sư gô dơ̆ng kơpal kông ôliwơ, kông mă tơklă Jêrusalem gah hơlĕch; păng kông ôliwơ gô pơchah tŏk-bŏk, minh pah gah hơlĕch, minh pah gah bơmơ̆t, dĭng mah jing minh pôm thong jrŭ să; minh puăt kông noh hiŏng tơ gah gơal, minh puăt hiŏng gah yă-nơ̆m.

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.