Êsai 61:4 - Sơ̆p Hlabơar Nơ̆r 'Bok Kei-Dei

⁴ Lu sư gô pơdơ̆ng ming đêl lu anih pơchah răm sơ̆. Tơiung dơ̆ng lu anih đĭ juơ so sơ̆. Lu sư gô hơmet tơiung lu pơlei mă pơchah răm, lu anih mă đĭ jing bri juơ đunh jơhnơr bơih.

Êsai 61:4 Referans Kwoze

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Horiso 46:8

Lăng bĕ dôm tơdrong jang Kră Yang. Tơdrong sư pơrăm, boih tơ teh đak âu?

Horiso 74:3

Apinh Ih yak bĕ tơ anih mă pơrăm noh. Lu ayăt pơrăm lê̆ đĭ boih anih 'lơ̆ng rơgoh.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Sa 1:17

Ôr ră roi pă minh 'măng dơ̆ng bĕ thoi âu: ‘Lu pơlei tih Inh gô oei đei 'bĕnh kơ tơdrong hiôk jơnap, Kră Yang kư̆m oei pơlung Siôn păng oei rơih iŏk Jêrusalem.’ ”

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Mi 7:11

Gô đei lăm năr ei kơnh dur iĕm đe gô man pơdơ̆ng ming, lăm năr noh tơdrong pơkă khan gô pơih rai să.