Êsai 61:11 - Sơ̆p Hlabơar Nơ̆r 'Bok Kei-Dei

¹¹ Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Êsai 61:11 Referans Kwoze

Êsai 58:11

Kră Yang ling-lang gô chông ba ih ăn kơ ih tôm mah lăm anih teh hrĕng kro, pơm ăn kơ akâu jăn ih pran jăng. Ih thoi lĕ pơgar đe ruh đak ling-lang, thoi tu đak glung ưh kơ đei layơ hrơ̆.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Êsai 62:7

Kŭm 'nĕ ăn kơ Kră Yang pơdơh dĭng truh tơ Sư pơjing tơiung dơ̆ng pơlei Jêrusalem, păng pơm kơ sư đei đe ư-ang jơ̆p kơ teh đak.

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Hơri Hiôk 4:16

Ơ kial đơ̆ng yă-nơ̆m tơthu bĕ, ơ kial đơ̆ng gah gơal pơbơh bĕ! Tơthu bĕ lăm pơgar inh; wă kơ 'bâu phu đơ̆ng sư păr đông jơ̆p-jang!

Horiso 85:11

Tơdrong tơpăt bluh đơ̆ng teh đak. Tơdrong 'lơ̆ng tơpăt Kră Yang bơngai đơ̆ng plĕnh nger tơ ala teh.

Mathiơ 13:23

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai noh boih kơtơ̆ng tơdrong 'Bok Kei-Dei păng hlôh wao, kiơ̆ hloi kơjăp, na đei plei tơpă, mơ'nah minh-hrĕng, mơ'nah tơdrâu-jĭt, mơ'nah pêng-jĭt.”

Mathiơ 13:3

Yêsu bơtho lơ tơdrong hăm nơ̆r pơtih gia kơ lu sư thoi âu: “Đei minh 'nu bơngai năm rei adrĕch 'ba.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Horiso 72:16

Ăn kơ đei 'ba hơbŏ rơkah rơkai tơ kơpal teh păng 'bĕnh tơ kơpal kông; plei 'long sa lơlap thoi bri tơ char Liban. Ăn kơ kon pơlei oei lăm pơlei tih gô hrôh ngôh thoi 'nhĕt tơ mir.

Horiso 72:3

Ăn lu kông gô ba tơdrong hiôk jơnap kơ kon pơlei pơla, lu groi đei plei tơdrong 'lơ̆ng tơpăt

Mathiơ 13:8

Kư̆m đei mơ'nah huŏng tơ teh 'lơ̆ng, na đei hloi plei trem mơ'nah minh-hrĕng, mơ'nah tơdrâu-jĭt, mơ'nah pêng-jĭt.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 45:23

Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Êsai 45:24

Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Bl 1:11

Kră Yang 'Bok Kei-Dei khan dơ̆ng thoi âu: “Teh athei chăt 'long pơle, 'nhĕt 'nhot; đei găr adrĕch, 'long plei đei găr, kiơ̆ kơ adrĕch khŭl tơ kơpal teh âu.” Đei hloi thoi noh.

Êsai 62:2

Lu teh đak gô 'bôh tơdrong 'lơ̆ng ih. Lu pơtao gô 'bôh tơdrong ư-ang ih. Đe gô krao ih anăn 'nao đơ̆ng 'bơ̆r Kră Yang krao ăn.