Êsai 60:6 - Sơ̆p Hlabơar Nơ̆r 'Bok Kei-Dei

⁶ Khŭl aseh lăk-đa gô 'bĕnh-'bang kơ dêh char ih, kon aseh lăk-đa đơ̆ng dêh char Mađian păng Êpha. Lu bơngai mơdro đơ̆ng Sêba truh, chĕp ba maih păng tơmam 'bâu phu păng hơri ư-ang kơ Kră Yang.

Êsai 60:6 Referans Kwoze

Mathiơ 2:11

Lu sư mơ̆t lăm hnam na 'bôh hloi kon nge 'noh hăm mĕ Sư Mari. Lu sư sơtơ̆p kŭl-tăng kơkuh kơ Yêsu păng iŏk 'bar anăn pơgang 'bâu phu hăm maih đơ̆ng lăm kơdŭng lu sư pơyơ̆r kơ Yêsu.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Horiso 72:15

Sư gô oei arih sot, na gô pơyơ̆r maih Seba ăn kơ sư. Đe gô krao khan kơ sư ling-lang; Păng rim năr sơkat pŭn hiôk kơ sư.

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

Bl 10:7

Kon drŏ-nglo Kus anăn Sêba, Hawila, Sapta, Rama păng Saptêka kon drŏ-nglo Rama anăn Sêba păng Đêdan.

Rom 15:9

Sư iŏk tơdrong pơmat-tat noh wă kơ lu bơngai tơmoi khŭl nai ư-ang 'Bok Kei-Dei, yua kơ 'Bok Kei-Dei 'mêm mơnat kơ lu sư mơ̆n. 'Noh kư̆m thoi đe chih roi lăm sơ̆p hla bơar 'Bok Kei-Dei sơ̆ thoi âu: “Inh pơư ang anăn Ih kơ lu bơngai tơmoi mă ưh kơ khŭl Juđê, inh hơri ư-ang kơ Ih.”

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

Êsai 45:14

Kră Yang khan thoi âu: “Lu iĕm gô iŏk đĭ Tơmam teh đak Êyiptơ, mŭk tơmam teh đak Kus păng bơngai Sabê, lu bơngai tih kơjung, lu sư gô năm tơ iĕm păng kiơ̆ gah lu iĕm. Lu sư gô yak kiơ̆ rŏng lu iĕm, lu sư gô năm tơ iĕm hăm glang oei chô̆ lu sư truh bon kơkuh 'bơ̆t anăp lu iĕm, lu sư adrĭ apinh khan: ‘Tơpă Kră Yang 'Bok Kei-Dei oei hơdai lu iĕm, ưh kơ đei yang nai ôh, ưh kơ đei Yang nai dơ̆ng.’ ”

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

I Pot 10:2

Yă pơtao sư truh tơ pơlei Jêrusalem hơdai hăm lơ bơngai lơ aseh lăk-đa chơ pơgang 'bâu phu, đei maih lơ păng lu tơmo gĭt kư̆m lơ. Lăp sư năm truh tơ Sôlômôn bơih, sư roi kơ pơtao Sôlômôn dôm đon sư tơchĕng wă jet 'noh.

II Ho 9:1

Wă pơtao drŏ-kăn dêh char Seba kơtơ̆ng đe ư-ang kơ Sôlômôn, na sư năm truh tơ Jêrusalem, wă pơpơn pơlong lăng Sôlômôn; yă pơtao chông lu đĭch đam bơngai awih awăn lơlap, đei lu lăk-đa chơ pơgang 'bâu phu, đei maih lơ păng tơno gĭt; sư năm tơ Sôlômôn, roi tôm dôm tơdrong mă sư đei tơchĕng lăm kơ̆l sư kơdih.

II Pot 8:9

Thoi noh, Hasael năm sơng Êlisê bơngai mă Kră Yang 'Bok Kei-Dei yua, chông ba puăn-jĭt tŏ aseh lăk-đa, chơ ba dôm tơmam mă 'lơ̆ng ngơ-ngei đơ̆ng pơlei Đamas noh, wă ăn kơ Êlisê bơngai mă Kră Yang 'Bok Kei-Dei yua, sư năm tơ'bơ̆p Êlisê, na khan: “Kon drŏ-nglo ih Ben Hadat, pơtao đe Aram, sư wơh inh năm tơ ih sư wă apinh khan: “Ĭnh hăm wă kĕ klaih đơ̆ng jĭ 'nâu dah ưh?”

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

Bl 25:13

Âu lu anăn kon drŏ-nglo Ismael Jô̆ hơrĭ.a Kon kơdră Ismael, Nêbaôt, Đơ̆ng noh Kêda, Atbêel, Mibôsam.

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Êsêkiên 27:22

Lu bơngai mơdro đơ̆ng pơlei Sêba păng pơlei Raama mơdro hăm ih, iŏk lu tơmam 'lơ̆ng gĭt, đĭ-đăng lu tơmo gĭt păng maih tơplih iŏk tơmam ih.

Jêphania 3:10

Lu bơngai mă krao chă Inh, wă khan lu kon drŏ-kăn lu bơngai jrok tơklah tơklang tơ pah to đak krong Êthiôpi, gô năm pơm yang pơyơ̆r tơmam soi kơ Inh.

Sa 14:16

Đei tơdrong truh kơ đĭ-đăng lu bơngai mă oei đei lăm jơ̆p kơ dêh char gô tŏk blah Jêrusalem, gô tŏk tơ noh rim sơnăm wă kơkuh 'bơ̆t anăp pơtao, noh boih Kră Yang Tih Hloh păng kư̆m năm kơ năr giĕng bơsŭn.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.

I Ho 1:33

Kon drŏ-nglo Miđian noh: Êpha, Êpher, Hanok, Abida păng Elda. Dôm lu bơngai noh kon sâu Kêtura. Kon sâu đơ̆ng yă Sara

Horiso 67:4

Ơ jơ̆p kơ teh đak chơt hiôk hơri 'nă hal bĕ; Yua kơ Kră Yang 'Bok Kei-Dei Sư sek tơlang tơpăt ăn kơ kon pơlei. Păng pơgơ̆r chông ba kon bơngai. Lăm teh đak. Sêla