Êsai 60:12 - Sơ̆p Hlabơar Nơ̆r 'Bok Kei-Dei

¹² kon pơlei păng teh đak ayơ ưh kơ chu yom kơ ih, lei gô pơlôch pơrăm, lu teh đak kon pơlei noh gô pơrăm pơchah pơchek đĭ.

Êsai 60:12 Referans Kwoze

Êsai 54:15

Tơdah đe chă đon wă pơrăm ih, noh ưh kơ trŏ đơ̆ng Inh. Bơngai bu chă đon wă pơrăm ih sư gô pơ̆k huŏng yua kơ đơ̆ng ih.

Da 2:35

Đang kơ noh lu maih, hu, kong bơsei păng lơ̆n kư̆m pơchah đĭ, jing thoi hla đuih hla đăm, thoi hơnong 'ba đông tơ anih pơjuă 'ba bơyan phang, tơ'bơ̆p kial dơhlu pơđông đĭ, chă lăng sư pă đei 'bôh dơ̆ng, mă-lei tơmo đêl hơtat kơ tơpang jơ̆ng noh jing minh pôm kông tih păng 'bĕnh tơ jơ̆p teh đak.

Êsai 41:11

'Nâu lu bơngai mă hil kơ iĕm, lu sư gô mơlâu păng hlơ̆l. Lu bơngai iung blah iĕm lu sư gô răm păng lôch hiong.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Mathiơ 21:44

Tơmo mă iĕm kuă noh, dah bơngai bu huŏng hơtat 'bơ̆t tơmo noh, bơngai noh gô tơgơ̆ jơ̆ng ti sư păng pơchah kơ̆l sư. Dah tơmo noh huŏng 'bơm bơngai bu, akâu bơngai noh gô pơchah hĕch hoch thoi 'mui teh.”

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Horiso 108:13

Đơ̆ng Kră Yang 'Bok Kei-Dei na lu nhôn kĕ jei. Yua kơ Kră Yang gô pơjuă bơhlơ̆r lê̆ lu ayăt kơ lu nhôn.

Je 12:17

Mă-lei tơdah lu kon pơlei ayơ kuă kơ mơ̆ng nơ̆r Inh, Inh gô buch hŭt lê̆ hloi kon pơlei noh, buch pơlôch lê̆ hloi” 'noh Kră Yang khan.

Da 2:34

Pơtao oei lăng pơglăn tơ rup man noh dĭng truh tơ đei minh pôm tơmo ưh kơ trŏ đơ̆ng ti kon bơngai klơ̆m, năm hơtat tơ tơpang jơ̆ng mă man păng bơsei hăm teh lơ̆n noh păng jơ̆ng noh pơchah đĭ.

Da 7:18

Mă-lei lu 'bok 'lơ̆ng rơgoh đơ̆ng Kră Yang 'Bok Kei-Dei Tih hloh gô iŏk dêh char pơtao sư, dêh char noh oei oei ling-lang ưh pă đei tôch.

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.