Êsai 60:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai tơmoi gô man pơdơ̆ng ming dur ih păng pơtao lu sư gô bơ̆jang kơ ih kơplah Inh hil mĭl đei teh tôn mă-lei 'bơ̆t Inh mơnat, Inh pơm 'lơ̆ng kơ ih dơ̆ng.

Êsai 60:10 Referans Kwoze

Êsai 61:5

Lu bơngai tơmoi oei tơ noh wă wei rong khŭl triu lu iĕm, lu bơngai tơmoi gô choh mir chŭn păng pơtăm hơmu ăn kơ lu iĕm.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Tơdrông Tơ'bôh 21:26

Jơ̆p kơ teh đak năm ư-ang kơ 'Bok Kei-Dei tơ noh.

Tơdrông Tơ'bôh 21:24

Rim kơ khŭl kon bơngai jơ̆p kơ teh đak gô yak nơnăm yua hơdah pơlei noh pơchrang. Kư̆m đei lu 'bok pơtao đơ̆ng jơ̆p kơ teh đak năm ư-ang kơ 'Bok Kei-Dei hăm Kon Triu tơ noh.

Sa 6:15

Lu bơngai đơ̆ng ataih năm păng tơgŭm pơjing pơdơ̆ng hnam Kră Yang; păng ih gô băt Kră Yang Tih hloh wơh boih inh năm tơ âu. Tơdah ih chơgăm pơnam pơm kiơ̆ nơ̆r Kră Yang 'Bok Kei-Dei ih, na tơdrong noh gô truh.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Êsai 66:21

Kră Yang khan: “Inh gô rơih iŏk mơ'nah đơ̆ng lăm lu sư pơm 'bok soi păng bơngai Lêwi.”

Horiso 102:13

Ih gô iung păng 'mêm kơ Siôn; Trŏ boih năr wă mơnat ăn kơ Siôn, năr đêl pơkă truh boih.

Êsai 56:6

Dôm Lu bơngai tơmoi mă đei pơgơ̆p hăm Kră Yang bơih, wă chu kiơ̆ kơ Sư 'mêm kơ anăn Kră Yang păng wă pơm đĭch đam Sư; lu bơngai noh wei răk năr pơdơh Sa'bat huay kơ pơm glăi, păng chĕp kơjăp nơ̆r pơgơ̆p Inh.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Jôel 2:18

Na Kră Yang gar teh đak Sư păng 'mêm mơnat kơ kon pơlei pơla Sư.