Êsai 6:5 - Sơ̆p Hlabơar Nơ̆r 'Bok Kei-Dei

⁵ Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 6:5 Referans Kwoze

Je 1:6

Inh tơl: “Ơ Kră Yang! Inh ưh kơ băt wă pơma kiơ, yua kơ inh oei 'lơ̆p.

Le 6:30

Mă-lei Môis tơl Kră Yang khan: Inh âu bơngai 'bơ̆r ưh kơ hon đon ưh kơ hơgei: Liơ Pharaôn 'maih mơ̆ng inh?

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Le 4:10

Môis tơl Kră Yang thoi âu: Ơ! Kră Yang bơnê kơkuh kơ Ih, đơ̆ng năr brei năr mơsơ̆, mă đơ̆ng krô Ih pơma bơtho đĭch đam Ih, inh ưh tam trŏ bơngai pơma gơh hơgei, yua kơ 'bơ̆r păng hơpiĕt inh pơma arăk ưh kơ hơđăl.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Le 6:12

Mă-lei Môis tơl Kră Yang: Inh âu minh 'nu bơngai 'bơ̆r pơma sa ưh kơ hlôh wao; kon pơlei Isơrael ưh kơ wă mơ̆ng nơ̆r inh pơma kơ Pharaôn sư dai ưh kơ wă mơ̆ng nơ̆r inh ôh?

Lu 6:22

Giđêôn sư băt tơpă kơ noh linh jang 'lơ̆ng Kră Yang na Giđêôn khan: Ơ, Kră Yang mă Mơsêh Mơyang. Băt inh lôch Yua kơ inh 'bôh boih linh jang 'lơ̆ng Kră Yang tơm măt inh!

Le 33:20

Kră Yang Sư khan dơ̆ng: Mă-lei ih ưh kơ đei 'bôh muh măt Inh ôh; yua kơ kon bơngai ưh kơ gơh 'bôh Inh na mă oei arih.

Lu 13:22

Sư pơma dơnuh hloi hăm akăn sư: Tơpă, băt ba gô lôch yua kơ ba 'bôh boih Kră Yang 'Bok Kei-Dei!

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Êsai 33:17

Măt ih gô 'bôh pơtao lăm tơdrong 'lơ̆ng rŏ sư păng ih gô lăng 'bôh teh đak pơih rai să.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Le 24:10

Tơmang 'bôh Kră Yang 'Bok Kei-Dei Isơrael tơ ala jơ̆ng Sư đei minh pôm tơmam thoi trong lơ̆k tơmo gĭt rang, nhen thoi hơdah plĕnh.

Jo 17:12

Bơngai Isơrael hli tơrơ khan kơ Môis: Âu 'nâu, lu nhôn gô lôch, lu nhôn lôch răm, lu nhôn gô lôch hiong đĭ-đăng!

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Êsêkiên 12:2

“Ơ kon bơngai, ih oei lăm kon pơlei juăt kơ iung blah plơ̆; lu sư đei măt mă ưh kơ 'bôh, đei đon mă ưh kơtơ̆ng, yua kơ lu sư kon pơlei juăt kơ iung blah plơ̆.

Da 9:20

Inh oei pơma păng krao apinh, tơbral tơdrong yoch inh păng tơdrong yoch kon pơlei Isơrael inh păng inh pơyơ̆r nơ̆r krao apinh inh 'bơ̆t anăp Kră Yang 'Bok Kei-Dei inh, yua kơ kông rơgoh Kră Yang 'Bok Kei-Dei inh;

Bl 32:31

Kơplah sư yak hlôi kơ anih Phêniel, 'bôh 'năr lĕch boih; na Jakôp jơ̆ng sư jo, sư yak khuĕ khuĕ yua kơ sư tơglĕch kơting rơhiĕo.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Horiso 24:10

Pơtao ư-ang âu bu? Noh boih Kră Yang Tih Hloh. Sư boih pơtao ư-ang mơsêh mơyang Tih Hloh lăm anih tơblah. Sêla

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.