Êsai 59:9 - Sơ̆p Hlabơar Nơ̆r 'Bok Kei-Dei

⁹ Lei na tơdrong tơpăt hơnơ̆ng ataih kơ lu bơ̆n, tơdrong 'lơ̆ng tơpăt kư̆m ưh kơ kĕ truh jê̆ lu bơ̆n. Lu bơ̆n chang tơdrong hơdah mă-lei 'nâu tă tơ tơdrong măng mu, lu bơ̆n chang tơdrong hơdah hơdong mă-lei yak năm lăm tơdrong măng mu.

Êsai 59:9 Referans Kwoze

Êsai 5:30

Lăm năr noh lu sư ôr thoi jơwa đak dơsĭ poh-yă, tơdah đe tơmang lăng tơ teh noh măng mu păng răm rai ngăl, mă lu tơdrong hơdah hơmơ̆l găm klơ̆p lê̆ đĭ.

Jop 30:26

'Bơ̆t mă inh răp gô tơdrong pŭn hiôk, tơdrong pơmat-tat truh; 'Bơ̆t mă inh chang tơdrong hơdah, tơdrong măng mu truh.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Habakuk 1:13

Măt Kră Yang 'lơ̆ng rơgoh ưh kơ wă lăng ôh tơdrong kơnê̆, kư̆m ưh kơ wă lăng dôm tơdrong ưh kơ trŏ. Liơ Ih lê̆ kơ lu bơngai hơlĕnh. Tơdah lu bơngai kơnê̆ luăn sa lu bơngai mă tơpăt hloh kơ lu sư, yua kơ kiơ Ih ĕnh thoi noh?

Mi 1:12

Kon pơlei Marôt đĭ rơmơ̆n rơmŏ chang gô tơdrong pŭn hiôk, tơdrong gleh đơ̆ng Kră Yang tơjruh boih tơ 'măng jang Jêrusalem.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 8:15

Lu bơ̆n oei chang wă kơ đei hiôk-hian, mă-lei ưh kơ đei tơ'bơ̆p tơdrong hiôk. Bơ̆n chang wă kơ klaih, mă-lei tă kơ đei tơdrong hli hlơt krưp truh.

Horiso 82:5

Lu sư ưh kơ băt kiơ, kư̆m ưh kơ hlôh kiơ; Lu sư oei yak tơ âu tơ to lăm măng mu; Jơ̆p anih kơpal teh pă đei tơdrong tơpăt boih.

Tơdrông Pơđơk 4:19

Gah trong lu bơngai pơm kơnê̆ thoi măng mu; Lu sư ưh kơ băt kiơ pơm kơ lu sư pơ̆k.

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Êsai 8:22

Đơ̆ng noh kŭp kơ̆l lăng tơ teh 'bôh tơdrong pơmat-tat măng mu, 'bôh tơdrong ơh sơ'ngon tơhuŏng lê̆ lu sư kơdih tơ anih măng mu gueo.

Êsai 59:8

Lu sư ưh kơ băt trong hiôk-hian, lăm trong lu sư kư̆m ưh kơ đei trong tơpăt hơnơ̆ng, lu sư pơm kơdih lu trong đŏng đĕo, bơngai bu năm lăm trong 'noh sư ưh kơ băt tơdrong hiôk-hian!

Êsai 59:11

Lu bơ̆n ling-lang grĕnh ôr thoi chơgơu, păng tơngưih thoi sem kơtơp; lu bơ̆n chang hơmĕng tơdrong tơpăt hơnơ̆ng mă-lei ưh kơ đei, chang tơdrong dŏng pơklaih mă-lei sư rai ataih đơ̆ng bơ̆n!

Êsai 59:14

Tơdrong tơpăt rai kơdŭn, tơdrong 'lơ̆ng dơ̆ng tơ ataih. Tơdrong trŏ pơ̆k bơih 'bơ̆t trong tih pơlei păng tơdrong pơm tơpăt ưh kơ gơh mơ̆t.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Nhom 3:2

Sư ba păng chông yak năm lăm măng mu! Ưh kơ đei hơdah ôh.

Nhom 4:14

Lu sư yak rok trong thoi bơngai măt tol; đơ̆ng pham đe mă lu sư pơm kơnê̆. Dĭng mah pă đei bu pơ̆n pel ao tai lu sư.

Am 8:9

Kră Yang khan: Lăm năr noh gô đei tơdrong truh, inh gô pơm ăn kơ măt 'năr mơ̆t kơplah măt 'năr dơ̆ng păng pơm kơ teh măng mu kơplah 'năr oei đei.

Jop 19:8

Kră Yang war dur găn chĭt trong kuă ăn kơ inh năm truh. Pơm măng mu chĭt trong inh yak.