Êsai 59:7 - Sơ̆p Hlabơar Nơ̆r 'Bok Kei-Dei

⁷ Jơ̆ng lu sư kơdâu năm wă pơm tơdrong kơnê̆, hăt hot pơlôch bơngai ưh kơ đei tơdrong yoch; đon lu sư tơchĕng jơ̆ hơlĕnh pơdăr, lu sư ba tơdrong pơrăm păng pơchah pơchek đĭ rok trong gơlong lu sư yak.

Êsai 59:7 Referans Kwoze

Tơdrông Pơđơk 6:17

Măt lăng pơang, Hơpiĕt hơlĕnh pơdăr; Ti 'bet pơlôch bơngai ưh kơ đei yoch;

Tơdrông Pơđơk 1:16

Yua kơ jơ̆ng lu sư kơdâu kiơ̆ trong pơm kơnê̆, hăt hot chă pơlôch đe.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.

Êsêkiên 22:6

To, lu yŏng Pơgơ̆r Isơrael oei lăm ih, rim 'nu yua tơdrong pran kơtang kơdih pơm tuh pham pơlôch đe.

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Tơdrông Pơđơk 24:9

Tơdrong tơchĕng wă pơm lĕch đơ̆ng kơhlôh kơwao noh yoch. Bơngai juăt kơ hiap đe areh dêh.

Tơdrông Pơđơk 15:26

Kră Yang hil areh kơ tơdrong lu bơngai kơnê̆ wă pơm; Mă-lei đei nơ̆r 'lơ̆ng rơgoh pơm kơ Sư lăp đon.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Tơdrông Pơđơk 6:18

Jơhngơ̆m chă đon 'maih pơm kơnê̆, Jơ̆ng hăt hot kơdâu năm tơ tơdrong kơnê̆.

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 65:2

Inh yơ̆r ti Inh prăt năr tơ gah minh adrĕch kon pơlei mă arăng kơ̆l. Lu bơngai mă năm lăm trong ưh kơ 'lơ̆ng, kiơ̆ kơ đon kơdih tơchĕng.

Êsai 66:4

Na Inh kư̆m gô rơih iŏk tơdrong pơmat ăn kơ lu sư, na tuh ăn tơdrong mă lu sư hli. Yua kơ mưh Inh krao ưh kơ đei bu tơl, Inh pơma lu sư ưh kơ wă mơ̆ng, Lu sư pơm bơih tơdrong kơnê̆ 'bơ̆t anăp Inh, păng rơih tơdrong mă Inh ưh kơ lăp đon.”

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Je 41:7

Kơplah lu sư năm wă tŏk-bŏk pơlei, Ismael kon drŏ-nglo Nethania hăm lu bơngai kiơ̆ sư, pơlôch đe noh păng klơ̆m hŭt akâu lôch lăm sơlŭng đak.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.