Êsai 59:4 - Sơ̆p Hlabơar Nơ̆r 'Bok Kei-Dei

⁴ Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Êsai 59:4 Referans Kwoze

Jop 15:35

Lu sư anăp kơ tơdrong răm, tơpŭ hloi tơdrong kơnê̆. Lăm tơpu kon anăp bơih đei dôm tơdrong hơlĕnh pơdăr.

Ya 1:15

jing pơm yoch. Tơdrong yoch bơ̆n rai tih rai lơ boih, na bơ̆n gô truh kơ tơdrong lôch.

Je 7:8

Mă-lei, lu iĕm oei lui gơnang kơ nơ̆r hơlĕnh ưh kơ đei yua ôh.

Je 7:4

'Nĕ kơ lui gơnang kơ nơ̆r pơma hơlĕnh khan: ‘'Nâu boih hnam Kră Yang hnam Kră Yang hnam Kră Yang!’ ”

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Êsai 30:12

Thoi noh na Tơ'ngla 'Lơ̆ng Rơgoh đe Isơrael pơma khan: “Yua kơ lu iĕm sơngah achăng lê̆ nơ̆r âu, gơnang kơ tơdrong pơjuă pơđep, gơnang kơ tơdrong đŏng đĕo.

Tơdrông Pơđơk 4:16

Tơdah lu sư ưh tam mă pơm kơnê̆, lu sư ưh kơsŭk tep; Tơdah lu sư ưh tam mă pơm kơ đe, lu sư kral ưh kơ tep.

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Êsai 59:3

Ti lu iĕm 'mê̆-'mach đơ̆ng pham bơngai iĕm pơlôch. Hơnglâu iĕm 'mê̆-'mach đơ̆ng tơdrong yoch kơnê̆. 'Bơ̆r lu iĕm đĭ pơma hơlĕnh. Hơpiĕt lu iĕm pơma jŏk tơdrong kơnê̆.

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Horiso 62:4

Lu sư lăp pơđâu đĕch wă blah lê̆ sư đơ̆ng anih đe pôk sư; Lu sư lăp kơ pơma hơlĕnh, 'bơ̆r lu sư hơpơi pŭn hiôk. Mă-lei lăm jơhngơ̆m hiap pơtê̆. Sêla

Jop 15:31

'Nĕ kơ gơnang kơ tơdrong ưh kơ yua chă hơlĕnh kơdih akâu yua kơ tơmam ưh kơ yua noh wă apah sư.

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Êsai 5:18

Răm-'băm dêh kơ bơngai bu đui tơdrong yoch hăm tơlei hơlĕnh; păng dui ba tơdrong yoch thoi tơlei dui gre.

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

Êsai 10:1

Răm-'băm tơpă kơ lu bơngai pơm khôi juăt glăi păng lu bơngai chih khôi juăt pơjuă pơđep,

Êsai 26:18

Lu nhôn đei anăp bơih, lu nhôn kư̆m oei jĭ anăp, lu nhôn tơpŭ ră nhen tơpŭ kơ kial đĕch. Lu nhôn ưh kơ ba ăn tơdrong dŏng pơklaih lăm teh đak, kư̆m ưh kơ gơh tơpŭ pơjing ăn kon bơngai lăm teh đak âu.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 29:20

Lu bơngai pơm kơnê̆ gô lôch đĭ, lu bơngai che bơle pơjăm đe gô lôch hiong đĭ, lu bơngai răp pơm tơdrong kơnê̆ gô kăl tơpăk đĭ.

Êsai 30:9

Adrĕch adrung âu jơ̆ adrĕch adrung blơ̆ blĕch, kon hơlĕnh, kon adrĕch ưh kơ wă mơ̆ng nơ̆r Kră Yang bơtho khan.

Êsai 33:11

Lu iĕm gô đei anăp hơkam 'ba, gô tơpŭ lĕch hơnong, hơyuh dui jơhngơ̆m lu iĕm jing ŭnh soh iĕm kơdih.

Êsai 44:20

Bơngai sa 'mui tơnuh; jơhngơ̆m đon ưh kơ ngeh ba sư jrok trong; sư ưh kơ gơh pơklaih bơhngol sư kơdih, Păng kư̆m ưh kơ băt tơmam lăm ti 'ma sư noh jơ̆ tơmam hơlĕnh đĕch?

Êsai 47:10

Ih gơnang tơdrong ih pơm kơnê̆ ih Ih khan: ‘Ưh kơ đei bu 'bôh inh.’ Tơdrong gơh hơgei hlôh wao ih gô pơm kơ ih wơ̆l jrok. Ih pơma lăm jơhngơ̆m: ‘Inh âu, 'nguaih kơ inh ưh kơ đei bơngai bu.’

Êsai 59:15

Tơdrong tơpăt ưh pă đei bơih, lu bơngai weh đơ̆ng tơdrong kơnê̆ đe rôp tơgar iŏk. Kră Yang 'bôh na sư ơh sơ'ngon yua kơ ưh kơ đei tơdrong tơpăt hơnơ̆ng

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Je 48:7

Yua kơ ih gơnang kơ tơdrong jang păng mŭk tơmam lu iĕm kơdih, Đe kư̆m wă rôp ih hai pơm bơnă, Yang Kêmôs, lu 'bok soi păng lu yŏng lu sư dai năm pơm bơnă.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Horiso 7:15

Sư sir sơlŭng kôch jrŭ, Na lu sư huŏng tơ lăm hơlŭng đêl lu sư sir.

Horiso 12:3

Apinh Kră Yang pơtôch đĭ lu bơngai pơma che bơle, Păng lu hơpiĕt mă pơma pơang;

Jang 24:9

Đang kơ Têtulus pơma, lu bơngai Juđê oei lăm hnam sek tơlang ei kư̆m pơma jâu kơ Pôl mơ̆n. Lu sư khan: “Tơdrong Têtulus pơma noh trŏ tơpă.”