Êsai 59:2 - Sơ̆p Hlabơar Nơ̆r 'Bok Kei-Dei

² Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Êsai 59:2 Referans Kwoze

Je 5:25

Tơdrong kơnê̆ lu iĕm pơm boih kơ lu iĕm pă đei tơdrong âu; Tơdrong yoch lu iĕm găn boih tơdrong pŭn hiôk 'mi prăng truh tơ lu iĕm.

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Êsai 57:17

Yua kơ yoch lu sư hưch ham chă lơi kơdih, na Inh hil mĭl păng teh sư. Lăm kơplah Inh blĕk, Inh ôn bơih muh măt Inh hil, mă-lei lu sư oei wih kiơ̆ trong lăm jơhngơ̆m sư kơdih.

Jôsuê 7:11

Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,

Êsai 58:4

Tơpă lu iĕm ơ̆t kơ sŏng sa wă chă tơdrong pơjah tơhil băl, tơrôp ti pơm tơdrong kơnê̆ tơ'bet băl; Lu iĕm ưh kơ gơh ơ̆t kơ sŏng sa thoi dang ei, wă kơ nơ̆r lu iĕm ôr gô kơtơ̆ng tơ plĕnh.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

I Sam 4:3

Wă kon pơlei mă oei arih brŏk tơ kơđông linh, lu đe kră Isơrael khan: Yua kơ kiơ năr 'nâu Kră Yang ăn kơ đe Philistin tơblah pơrăm lu bơ̆n? Lu bơ̆n năm tung iŏk Hom Pơgơ̆p Kră Yang đơ̆ng Silô; brŏk tơ âu Sư gô oei hơdai bơ̆n dŏng pơklaih lu bơ̆n đơ̆ng ti lu bơngai ayăt kơ bơ̆n!