Êsai 59:15 - Sơ̆p Hlabơar Nơ̆r 'Bok Kei-Dei

¹⁵ Tơdrong tơpăt ưh pă đei bơih, lu bơngai weh đơ̆ng tơdrong kơnê̆ đe rôp tơgar iŏk. Kră Yang 'bôh na sư ơh sơ'ngon yua kơ ưh kơ đei tơdrong tơpăt hơnơ̆ng

Êsai 59:15 Referans Kwoze

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Rom 8:36

Tơdrong 'noh lăm sơ̆p hla bơar 'Bok Kei-Dei đe chih thoi âu: “Ơ 'Bok Kei-Dei, yua kơ nhôn lui kơ Ih, đe nŏng kơ chă nhôn pă dơh năr wă pơlôch. Đe lăng nhôn thoi lĕ kơ triu đe wă 'buh sa.”

Jang 9:23

Đunh đơ̆ng noh lu bơngai Juđê pơđâu wă pơlôch Sôl.

Jang 9:1

Sôl sư oei kơnam wă pơlôch lu bơngai lui kơ Kră Yang Yêsu. Sư năm apinh tơ 'bok soi tơm pơm ăn kơ sư hla bơar wă kơ gơh rôp lu bơngai lui. Na 'bok soi pơm ăn kơ Sôl hla bơar gơh năm rôp đe tơ rim hnam akŭm đe Juđê tơ Pơlei Đamas, anhăk tơ Pơlei Jêrusalem dôm lu bơngai lui kiơ̆ Yêsu mă drŏ-nglo mă drŏ-kăn.

II Kor 5:13

Tơ̆ng đe khan nhôn bơngai wơnh kư̆m bưh, noh yua kơ nhôn jang tơdrong 'Bok Kei-Dei; tơ̆ng đe khan nhôn bơngai 'lơ̆ng, 'nă hal loi, yua kơ đe pơư nhôn jang tơgŭm iĕm.

Jang 26:24

Pôl pơma dŏng kơdih akâu truh 'bơ̆t âu boih na Phêtus pơma re kơ sư hloi: “Ơ Pôl, ih wơnh tơpă âu. Yua kơ ih hŏk lơ na ih wơnh.”

Markôs 3:21

Hnam dơnŏ Yêsu kơtơ̆ng ang thoi noh, na lu sư năm wă iŏk Yêsu wă anhăk wih tơ hnam, kơlih kơ đe khan Yêsu Sư wă wơnh.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Je 29:26

Kră Yang đei jao ăn kơ ih boih pơm 'bok soi tơplih kơ Jêhôiada wă pơgơ̆r wei-lăng hnam akŭm Kră Yang Ih gơh athei đe rôp hơnuh ako, rôp jơlŏng lê̆ jơ̆ng, tơdah bu mă wơnh khan lê̆ adrol

Je 7:28

Ih athei khan kơ lu sư: 'Nâu boih adrĕch adrung ưh kơ chu mơ̆ng nơ̆r Kră Yang 'Bok Kei-Dei lu sư, kư̆m ưh kơ wă hơmet ming glăi. Tơdrong sĭt tơpă hiong đĭ boih; 'bơ̆r lu sư ưh pă pơma tơdrong noh dơ̆ng.

Êsai 48:1

Mơ̆ng bĕ nơ̆r 'nâu ơ adrĕch Jakôp mă đe krao anăn Isơrael, lĕch đơ̆ng tơm 'bok Juđa, lu bơngai pơkă hăm anăn Kră Yang, krao chă Kră Yang 'Bok Kei-Dei Isơrael. Mă-lei lăm jơhngơ̆m ưh kơ đei tơpăt păng ưh kơ kiơ̆ tơpă.

Horiso 5:9

Yua kơ lăm 'bơ̆r lu sư ưh kơ đei tơdrong tơpă; Jơhngơ̆m lu sư tă kơnê̆ ngăl. Hơlŏng lu sư thoi bơsat tơpơih Hơpiĕt lu sư 'bĕnh hăm tơdrong pơdăr.

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Sam 11:27

Hlôi kơ năr 'bŭ pơdong boih, Đawit athei đe năm iŏk sư oei lăm hnam pơtao; duch noh jing pơm akăn pơtao Đawit, tơpŭ ăn kơ pơtao minh 'nu kon drŏ-nglo, mă-lei dôm tơdrong Đawit pơm noh ưh kơ lăp đon Kră Yang ôh.

Yo 8:52

Lu bơngai Juđê khan kơ Sư: “Dang ei nhôn băt kơ Ih bơngai yang mơ̆t tơpă boih. Abraham lôch boih, lu bơngai pơtruh nơ̆r 'Bok Kei-Dei sơ̆ kư̆m hơdai lôch đĭ, mă Ih khan bơngai bu răk nơ̆r Ih bơtho, bơngai 'noh huay kơ lôch.

II Pot 9:11

Na Jêhu lĕch hĭ đơ̆ng ei năm truh tơ lu đĭch đam yŏng tơ'ngla sư. Lu đe ei jet khan: “Tôm tơdrong hiôk 'lơ̆ng mơ̆n? Bơngai wơnh 'noh hei sư chă kiơ kơ ih?” Sư tơl lu đe ei khan: “Lu iĕm băt kơ sư păng băt nơ̆r sư pơma.”

Bl 38:10

Mă-lei tơdrong sư pơm thoi noh Kră Yang ưh kơ lăp đon, na Kră Yang kư̆m pơlôch sư dơ̆ng.

Yo 10:20

Đei lơ bơngai mơ'nah khan: “Iĕm 'maih mơ̆ng kiơ kơ Sư, noh Sư bơngai yang mơ̆t pơm kơ Sư wơnh?”

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Êsai 10:2

Hơngah kơ pơm tơdrong tơpăt lu bơngai hoh kơ đei păng ưh kơ pơm tơdrong trŏ kơ lu bơngai dơnuh hin lăm kon pơlei pơla Inh. Tơgar iŏk tơmam đơ̆ng lu drŏ-kăn adro, hơđuh iŏk tơmam đơ̆ng lu kon mơti.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Êsai 32:7

Lu bơngai hơlĕnh pơdăr yua tơdrong kơnê̆; pơđâu pơm tơdrong kơnê̆, wă pơrăm lu bơngai dơnuh hăm nơ̆r pơma hơlĕnh Mă khan lu bơngai dơnuh hoh roi khan trŏ.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Êsai 46:12

Ơ lu bơngai jơhngơ̆m arăng. Lu bơngai kơ chu mơ̆ng bĕ Inh pơma.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Êsai 66:4

Na Inh kư̆m gô rơih iŏk tơdrong pơmat ăn kơ lu sư, na tuh ăn tơdrong mă lu sư hli. Yua kơ mưh Inh krao ưh kơ đei bu tơl, Inh pơma lu sư ưh kơ wă mơ̆ng, Lu sư pơm bơih tơdrong kơnê̆ 'bơ̆t anăp Inh, păng rơih tơdrong mă Inh ưh kơ lăp đon.”

Nhom 3:36

Wă sek tơlang pơgâm kơ minh 'nu bơngai tơpăt, năr Kră Yang sek tơlang, na Kră Yang ưh kơ lăp ôh.