Êsai 59:11 - Sơ̆p Hlabơar Nơ̆r 'Bok Kei-Dei

¹¹ Lu bơ̆n ling-lang grĕnh ôr thoi chơgơu, păng tơngưih thoi sem kơtơp; lu bơ̆n chang hơmĕng tơdrong tơpăt hơnơ̆ng mă-lei ưh kơ đei, chang tơdrong dŏng pơklaih mă-lei sư rai ataih đơ̆ng bơ̆n!

Êsai 59:11 Referans Kwoze

Êsai 38:14

Inh ôr nhen sem kơdŏng, sem pleng, inh tơngưih nhen sem kơtơp si; măt inh lăng tơ kơpal đĭ rơgah. Ơ Kră Yang inh ơh sơ'ngon dêh, apinh ih dŏng iŏk inh bĕ!”

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Hôsia 7:14

Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Je 8:15

Lu bơ̆n oei chang wă kơ đei hiôk-hian, mă-lei ưh kơ đei tơ'bơ̆p tơdrong hiôk. Bơ̆n chang wă kơ klaih, mă-lei tă kơ đei tơdrong hli hlơt krưp truh.

Êsai 59:9

Lei na tơdrong tơpăt hơnơ̆ng ataih kơ lu bơ̆n, tơdrong 'lơ̆ng tơpăt kư̆m ưh kơ kĕ truh jê̆ lu bơ̆n. Lu bơ̆n chang tơdrong hơdah mă-lei 'nâu tă tơ tơdrong măng mu, lu bơ̆n chang tơdrong hơdah hơdong mă-lei yak năm lăm tơdrong măng mu.

Êsai 51:20

Lu kon pơlei ih lôch hơngơ̆t bơih, lu sư 'bĭch tơ rim mum trong pơlei. Nhen thoi kon juei hrơ̆p lăm hơnhuăl. Nhen thoi 'bĕnh hăm tơdrong Kră Yang hil mĭl păng tơdrong Kră Yang 'Bok Kei-Dei chrih.

Horiso 119:155

Tơdrong dŏng pơklaih ataih dơ̆ng lu bơngai pơm kơnê̆. Yua kơ lu sư ưh kơ đei chơchă lu tơdrong juăt Ih.

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Horiso 38:8

Inh gleh lap păng rơdu rơmơ̆n,b Inh ôr krao, yua kơ lăm jơhngơ̆m inh rŭng răng.

Horiso 55:2

Apinh Ih mơ̆ng păng tơl tơwih kơ inh. Inh sơ'ngon, tơtăm păng rŭng răng.

Êsai 59:8

Lu sư ưh kơ băt trong hiôk-hian, lăm trong lu sư kư̆m ưh kơ đei trong tơpăt hơnơ̆ng, lu sư pơm kơdih lu trong đŏng đĕo, bơngai bu năm lăm trong 'noh sư ưh kơ băt tơdrong hiôk-hian!

Êsai 59:14

Tơdrong tơpăt rai kơdŭn, tơdrong 'lơ̆ng dơ̆ng tơ ataih. Tơdrong trŏ pơ̆k bơih 'bơ̆t trong tih pơlei păng tơdrong pơm tơpăt ưh kơ gơh mơ̆t.

Nhom 3:17

Sư pơm kơ bơhngol inh ataih đơ̆ng tơdrong hiôk-hian, Inh hiơt đĭ boih tơdrong pŭn hiôk.

Na 2:7

Thoi đei pơkă Niniwe đe blah iŏk đe rôp anhăk, lu bơngai drŏ-kăn jang kơ sư, lu sư ôr hmoi thoi sem kơtơp păng tŭr kơtơh.

Horiso 119:150

Lu bơngai chă pơm tơdrong kơnê̆ truh jê̆ boih. Mă-lei lu sư ataih đơ̆ng khôi juăt Ih.

Na 2:8

Na, Niniwe sơ̆ thoi đak dơnâu. Mă-lei dang ei lu sư hrơ̆ đĭ boih. Đei đe krao ôr thoi âu: Dơ̆ng bĕ, dơ̆ng bĕ Mă-lei ưh kơ đei bu wih tơ rŏng.