Êsai 58:3 - Sơ̆p Hlabơar Nơ̆r 'Bok Kei-Dei

³ Lu sư Jet: “Yua kơ kiơ lu nhôn ơ̆t kơ sŏng sa mă-lei Ih ưh kơ 'bôh? Lu nhôn tơjur akâu mă-lei Ih ưh kơ băt?” 'Nâu, lăm năr lu iĕm ơ̆t kơ sŏng sa, lu iĕm ling-lang chă tơdrong lu iĕm wă kơdih. Sa pơgâm lu bơngai jang kơ iĕm.

Êsai 58:3 Referans Kwoze

Malachi 3:14

Lu iĕm đei khan: “Đe mă bơ̆jang kơ Kră Yang 'Bok Kei-Dei noh tơdrong ưh kơ đei; lu bơ̆n wei nơ̆r Sư bơtho pơkă, athei bơwei păng yak nơnăm lăm tơdrong ơh sơ'ngon 'bơ̆t anăp Kră Yang Tih Hloh, na lơi kiơ?

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Ne 5:7

Inh kư̆m hiơ̆k gah tơdrong noh, 'maih chrih kơ lu bơngai mơdrŏng păng lu bơngai pơm kuan tih: Inh khan: Lu iĕm chă jên kiĕng đơ̆ng lu 'nhŏng oh bơ̆n! Inh pơtơm akŭm minh khŭl lơ wă jet lu sư.

Luka 15:29

mă-lei sư khan kơ 'bă sư: ‘Inh oei hơdai ih đunh boih, inh jang kơ ih păng ưh kơ pơjăng dôm nơ̆r ih athei inh ră. Mă-lei ih 'nhŏ mă đei ăn kơ inh minh pôm kon bơbe wă 'bet sa hơdai hăm lu buăl inh.

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Horiso 69:10

Mă inh nhơ̆m ơh, păng ơ̆t kơ sŏng sa. Noh kư̆m pơm kơ inh mơlâu.

Jo 23:4

Kră Yang 'Bok Kei-Dei tơ'bơ̆p Balaam păng Balaam pơma hăm Sư khan: Inh đei pơdơ̆ng tơpơh tŏ chơnang soi păng tơ rim chơnang soi noh inh pơyơ̆r dan minh pôm rơmo tơno păng minh pôm triu tơno.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

Lêwi 16:31

Noh jing thoi năr Sa'bat kơ lu iĕm, minh năr pơdơh pơyom, lu iĕm athei pơmat akâu iĕm kơdih, noh jing tơdrong juăt ling-lang.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Jop 34:9

Yua kơ Jop khan: ‘Kon bơngai ưh kơ đei yua kiơ, Kơplah sư chơchă tơdrong hiôk chơt lăm Kră Yang 'Bok Kei-Dei.’