Êsai 57:19 - Sơ̆p Hlabơar Nơ̆r 'Bok Kei-Dei

¹⁹ wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Êsai 57:19 Referans Kwoze

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

Êphêsô 6:19

Păng inh wă kơ iĕm krao khan tơgŭm inh hai mơ̆n, wă kơ inh hlôh băt dôm tơdrong Sư wă kơ inh bơtho păng wă kơ inh nuih kơ bơtho tơdrong 'nao 'lơ̆ng Sư.

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Mathiơ 10:13

Dah bơngai lăm hnam ei bơngai 'lơ̆ng tơpă, lei iĕm apinh 'Bok Kei-Dei ăn kơ hnam noh chơt hiôk khŏm khŏm; dah ưh, iĕm lê̆.

Êsai 6:7

Sêraphim kep ngar noh 'bơm tơ 'bơ̆r inh, na khan: “Lăng âu tơmam âu hơtŭt 'bơm hơkŭng ih bơih, tơdrong kơnê̆ ih tŭk lê̆ bơih, tơdrong yoch ih mơnat ăn bơih.”

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Êphêsô 2:13

Mă-lei mă khan iĕm ataih đơ̆ng 'Bok Kei-Dei dang noh sơ̆, dang ei truh tơ Sư boih, yua kơ Yêsu Krist lôch tuh pham tang iĕm tơ 'long pơglang, pơm kơ iĕm jing minh jơhngơ̆m minh đon hăm Sư.

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Êsai 26:12

Ơ Kră Yang Ih gô pơjing tơdrong hiôk-hian ăn kơ lu nhôn. Dôm tơdrong lu nhôn pơm noh jơ̆ Ih pơm ăn kơ nhôn bơih!

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Hôsia 14:5

Inh gô jing thoi đak ngom kơ bơngai Isơrael, lu sư gô pơkao thoi pơkao hla tŏng-mŏng păng kư̆m chăt rơh thoi tơm 'long hơngo char Liban.