Êsai 54:4 - Sơ̆p Hlabơar Nơ̆r 'Bok Kei-Dei

⁴ 'Nĕ kơ hli; yua kơ iĕm gô ưh kơ đei mơlâu ôh. 'Nĕ kơ bơngơ̆t; yua kơ đe ưh pă pơm kơ iĕm mơlâu dơ̆ng bơih. Ih gô hiơt tơdrong mơlâu kơplah iĕm oei mơlôh sơ̆, păng ưh pă 'blŏk dơ̆ng tơdrong mơlâu kơplah iĕm adro.

Êsai 54:4 Referans Kwoze

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

I Pet 2:6

Tơdrong noh thoi đe chih nơ̆r 'Bok Kei-Dei tơ lăm sơ̆p hla bơar Sư thoi âu: “Iĕm lăng Inh đei man minh pôm tơmo gĭt tơ Pơlei Siôn wă pơm hnam, tơmo noh gĭt tơpă na Inh iŏk Sư. Bu lui kơ tơmo noh huay kơ hli minh tơdrong kiơ ôh.”

Je 31:19

Tơpă, đơ̆ng rŏng kơ inh weh đơ̆ng Kră Yang, inh tơbral boih; đơ̆ng rŏng kơ inh băt hlôh, inh tŭr kơtơh hmach. Inh mơlâu dêh, Inh pŭ tơdrong mơlâu đơ̆ng pơm yoch đơ̆ng oei tơdăm mơlôh.”

Êsai 61:7

Tơplih đơ̆ng mơlâu. Kon pơlei Inh gô đei iŏk tơmam hloh 'bar wơ̆t tơplih đơ̆ng đe pơjăm. Lu sư gô chơt hiôk đơ̆ng tơmam đe asong bơih, na lu sư gô đei iŏk mŭk tơmam 'bar wơ̆t lơ hloh lăm dêh char lu sư păng đei tơdrong hiôk chơt ling-lang.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 16:22

Lăm dôm tơdrong kơnê̆ krưp, tơdrong pơm pơyô kư̆ kă, ih ưh kơ 'blŏk ôh kơplah năr oei nge, oei koh hoh, pơpơ̆ lăm pham kơdih.

Êsai 4:1

Lăm năr noh tơpơh 'nu drŏ-kăn gô rôp pơkơ̆ng minh 'nu drŏ-nglo păng pơma khan: “Lu nhôn sŏng sa tơmam nhôn kơdih. Păng hrŭk hơbĕn ao nhôn kơdih; apinh ăn kơ đe krao nhôn anăn Ih; sŭt lê̆ lu tơdrong mơlâu lu nhôn.”

Êsai 25:8

Kră Yang pơtôch lê̆ bơih tơdrong lôch hiong ling-lang, Kră Yang gô sŭt lê̆ đak măt đơ̆ng muh măt rim 'nu, păng iŏk lê̆ tơdrong mơlâu đơ̆ng kon pơlei pơla Sư đơ̆ng jơ̆p-jang kơ teh đak. Kră Yang khan thoi noh.

Êsai 29:22

Na Kră Yang, tơ'ngla huai iŏk Abraham đei pơma kơ adrĕch adrung Jakôp thoi âu: “Muh măt lu sư huay pă găm goi păng huay pă mơlâu dơ̆ng,

Êsai 50:7

Kră Yang Tih Hloh tơgŭm inh, inh ưh kơ mơlâu ôh. Na inh pơm kơ măt inh lăng tơ anăp, inh băt kơ inh gô ưh kơ đei tơdrong kiơ mơlâu.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Êsêkiên 36:15

Inh ưh pă ăn ih kơtơ̆ng lu nơ̆r kơnê̆ đe pơjăm pơjuă đơ̆ng lu dêh char; ih kư̆m huay pă pŭ tơdrong mơlâu dơ̆ng lu kon pơlei dơ̆ng păng ih kư̆m ưh pă ăn kơ dêh char ih, ih pơ̆k huŏng dơ̆ng, Kră Yang khan.”

Jôel 2:21

Ơ teh đak, 'nĕ kơ hli ôh, chơt hiôk 'nă hal bĕ, yua kơ Kră Yang đei pơm boih tơdrong mơsêh tih.

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Sa 10:6

Inh gô ăn kơ hnam Juđa jing pran păng dŏng pơklaih hnam Jôsep. Inh chông tơwih lu sư brŏk, yua kơ 'mêm mơnat kơ lu sư, lăng lu sư thoi Inh ưh tam layơ achăng lê̆ lu sư, yua kơ Inh Kră Yang lu sư, Inh gô tơl tơwih nơ̆r lu sư krao apinh.

Jop 11:16

Ih gô hiơt kơ dôm tơdrong pơmat-tat ih, ưh kơ 'blŏk kơ tơdrong 'noh thoi đak ro hlôi bơih.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.