Êsai 53:5 - Sơ̆p Hlabơar Nơ̆r 'Bok Kei-Dei

⁵ Đe 'bet sư rơka yua kơ tơdrong yoch lu bơ̆n. Yua kơ tơdrong kơnê̆ lu bơ̆n na đe pơjĭ sư. Đơ̆ng sư chu đe phak na lu bơ̆n đei hiôk-hian. Sư chu pŭ rơka wă kơ bơ̆n gơh klaih hiôk.

Êsai 53:5 Referans Kwoze

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 10:14

Lu bơngai mă gơnang kơ Sư soi kơ 'Bok Kei-Dei akâu Sư minh 'măng noh gô klaih đơ̆ng tơdrong yoch jing 'lơ̆ng tơpăt hăm 'Bok Kei-Dei. 'Bok Kei-Dei ưh pă layơ jô̆ yo kơ tơdrong yoch lu sư boih.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

Hêbrơ 10:10

Thoi noh bơ̆n băt kơ Yêsu Krist jang trŏ thoi 'Bok Kei-Dei pơkă tơpă, Sư soi akâu Sư kơ 'Bok Kei-Dei minh 'măng sơ̆ tôm boih, na lu bơ̆n dang ei jing bơngai 'lơ̆ng tơpăt yua kơ Sư.

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Hêbrơ 5:8

Mă khan Sư Kon 'Bok Kei-Dei, Sư kư̆m hơdai pơmat-tat, na Sư băt kơ adrin chu yom kơ 'Bok Kei-Dei.

Both 11:2

Năr 'nâu, lu iĕm athei băt inh ưh kơ đei pơma bơtho kơ lu kon hơ'lơ̆p iĕm ôh, yua kơ lu sư ưh kơ tam băt păng kư̆m ưh tam 'bôh. Tam mă kơtơ̆ng lu nơ̆r bơtho khan đơ̆ng Kră Yang 'Bok Kei-Dei lu iĕm, tơdrong 'lơ̆ng tơpăt Sư, ti mơsêh pran kơtang tih Sư.

Horiso 30:2

Ơ Kră Yang Kră Yang 'Bok Kei-Dei inh! Inh krao apinh Ih, na Ih pơklaih inh.

Tơdrông Pơđơk 20:30

Đơ̆ng teh rơka rơkĕch noh pơm rơgoh tơdrong kơnê̆, Tơnguĕt đe teh noh han mơ̆t truh anih hlơp lăm jơhngơ̆m.

Êsai 6:7

Sêraphim kep ngar noh 'bơm tơ 'bơ̆r inh, na khan: “Lăng âu tơmam âu hơtŭt 'bơm hơkŭng ih bơih, tơdrong kơnê̆ ih tŭk lê̆ bơih, tơdrong yoch ih mơnat ăn bơih.”

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Êsai 57:18

Inh 'bôh trong lu sư, mă-lei Inh gô pơklaih gô dui ba hăm nơ̆r pơlung,

Jop 33:24

Mơnat kơ sư na apinh lung Kră Yang 'Bok Kei-Dei khan: ‘Dŏng pơklaih sư wă huay kơ huŏng lăm sơlŭng jrŭ, inh chă 'bôh bơih trong huai iŏk.’