Êsai 52:6 - Sơ̆p Hlabơar Nơ̆r 'Bok Kei-Dei

⁶ Thoi noh na kon pơlei Inh gô băt kơ anăn Inh; tơpă lăm năr 'noh lu sư gô băt Inh âu bơih jơ̆ Tơ'ngla khan: 'Nâu, Inh âu.”

Êsai 52:6 Referans Kwoze

Êsêkiên 20:44

Lu iĕm gô băt Inh boih Kră Yang, kơplah Inh yua anăn Inh sơng iŏk lu iĕm, ưh kơ sĭ yua kơ tơdrong kơnê̆ dah trong răm-'băm lu iĕm pơm ôh, ơ adrĕch Isơrael, Kră Yang khan thoi noh.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Le 33:19

Kră Yang khan: Inh gô pơdah tơdrong 'lơ̆ng Inh 'bơ̆t anăp ih, klaih kơ noh Inh gô roi anăn Inh Kră Yang 'bơ̆t anăp ih, Inh gô mơnat kơ bơngai bu mă Inh 'maih mơnat, hăm Inh gô pơm 'lơ̆ng kơ bơngai bu mă inh 'maih pơm 'lơ̆ng.

Horiso 48:10

Ơ Kră Yang 'Bok Kei-Dei, anăn Ih thoi yơ! Na tơdrong kơkuh bơnê kơ Ih, Kŭm thoi noh truh tơ tôch kơ teh đak. Ti 'ma Ih 'bĕnh kơ tơdrong tơpăt.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 42:9

'Nâu tơdrong adrol đei truh 'blep trŏ bơih, dang ei Inh roi ăn kơ iĕm tơdrong 'nao dơ̆ng; adrol kơ Sư wă truh, Inh roi ăn kơ iĕm băt adrol.

Le 6:3

Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Le 3:13

Môis tơl Kră Yang 'Bok Kei-Dei khan: Mưh inh năm truh tơ kon pơlei Isơrael, roi kơ lu sư: Kră Yang 'Bok Kei-Dei 'bok lu iĕm wơh inh năm truh tơ lu iĕm; mă-lei mưh lu sư jet: Anăn Sư bu? Lei inh tơl lu sư thoi yơ?

Êsai 40:9

Ơ Siôn lu iĕm bơngai mă ră roi tơdrong 'nao 'lơ̆ng, tŏk bĕ tơ kơpal kông kơjung! Ơ Jêrusalem lu iĕm bơngai mă tơbăt tơdrong 'nao 'lơ̆ng ôr mă re đĭ jơhngơ̆m bĕ! Ôr mă re! 'Nĕ kơ hli! Khan bĕ kơ lu pơlei tih Juđa: “'Nâu Kră Yang 'Bok Kei-Dei lu iĕm!”

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Je 31:34

Ưh pă đei pơhrăm băl boih lu rông 'bôt sư; păng lu 'nhŏng oh sư khan: Athei băt kơ Kră Yang! Yua kơ đĭ-đăng lu sư gô băt kơ Inh, bơngai pơm iĕ truh tơ bơngai pơm tih Kră Yang khan: “Inh ưh pă jô̆ yo kơ tơdrong lu sư pơm kơnê̆, păng kư̆m ưh pă 'blŏk kơ yoch glăi đêl lu sư pơm.”