Êsai 52:3 - Sơ̆p Hlabơar Nơ̆r 'Bok Kei-Dei

³ Kră Yang khan thoi âu; lu iĕm tĕch bơih mă-lei ưh kơ đei jên; na kư̆m gô huai iŏk iĕm dơ̆ng ưh kơ đei hăm jên kăk ôh.

Êsai 52:3 Referans Kwoze

Êsai 45:13

Inh gô tơiung sirus pơm tơdrong 'lơ̆ng tơpăt Inh, păng gô pơm ăn kơ trong sư tơpăt, sư gô pơm ming pơlei tih Inh păng tơlĕch lu kon pơlei Inh đơ̆ng đe puh ba pơm bơnă ưh kơ kăl kơ huai iŏk hăm tơmam apah ôh.” Kră Yang Tih Hloh khan thoi noh.

I Pet 1:18

Iĕm băt boih 'Bok Kei-Dei huai iŏk iĕm bơngai kư̆ kă, bơngai ưh kơ yua, iĕm juăt kơ pơm rok lu yă 'bok iĕm sơ̆. Mă-lei Sư ưh kơ huai iŏk iĕm hăm tơmam hiong răm thoi lĕ kơ hu maih ôh.

Horiso 44:12

Ih tĕch boih kon pơlei Ih ưh kơ kăp, Păng lăng lu sư ưh kơ gĭt.

Je 15:13

Yua kơ đĭ-đăng tơdrong yoch lu iĕm pơm boih tơ jơ̆p-jang kơ dêh char, na Inh gô jao kơ đe plah tơgar iŏk đĭ-đăng mŭk tơmam iĕm, ưh kơ đei bu 'mong kơ iĕm yă kiơ.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 1:27

Kră Yang gô sek tơlang nhôn hăm tơdrong tơpăt, na huai iŏk lu bơngai lăm pơlei tơbral hăm tơdrong 'lơ̆ng tơpăt Sư.

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

Êsêkiên 16:31

Ih pơm anih kơkuh rim tơm trong, pơjing anih kơjung tơ rim anih akŭm pơđâu lăm pơlei; ih ưh kơ sĭ thoi bơngai drŏ-kăn pơm đi, yua kơ đe ưh kơ apah jên.

Êsêkiên 34:27

'Long tơ bri brah gô đei plei, teh gô chăt jing đei plei yua. Lu sư gô oei hiôk hơđơ̆ng tơ teh đak lu sư kơdih păng băt kơ Inh boih Kră Yang, kơplah Inh gơ̆ lê̆ 'long ăt đơ̆ng lu sư, pơklaih lu sư đơ̆ng ti lu bơngai rôp lu sư pơm đĭch.

Lêwi 25:54

Tơdah sư ưh kơ kĕ huai sư kơdih thoi noh, na gô truh sơnăm hiôk-hian, sư păng lu kon sư kư̆m gô rơngei.

Horiso 44:13

Ih pơm ăn kơ lu nhôn jing bơngai rông 'bôt nhôn pơjăm, ăn kơ nhôn jing tơmam hơnul păng ăn kơ lu bơngai oei tăp dăr kơ nhôn areh păng hiĕk ăr.