Êsai 52:1 - Sơ̆p Hlabơar Nơ̆r 'Bok Kei-Dei

¹ Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 52:1 Referans Kwoze

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Êsai 51:17

Hơđơ̆r bĕ, hơđơ̆r bĕ! Ơ Jêrusalem iung dơ̆ng bĕ! Iĕm bơngai huch kơchŏk tơdrong hil mĭl đơ̆ng Kră Yang. Ih huch dĭng mah hrơ̆ đơ̆ng kơchŏk. Kơchŏk mă pơm kơ iĕm pơ̆k iung.

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.

Sa 3:4

Linh jang khan kơ lu bơngai mă oei 'bơ̆t anăp sư thoi âu: “Plôh bĕ ao mơgrĭ noh đơ̆ng akâu sư.” Păng khan đơ̆ng kơ Jôsua thoi âu: “Lăng bĕ, Inh hŭt lê̆ boih tơdrong yoch kơnê̆ đơ̆ng ih.”

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Êsai 48:2

Lu iĕm khan lu iĕm kơdih kon pơlei đơ̆ng pơlei 'lơ̆ng rơgoh, păng gơnang kơ Kră Yang 'Bok Kei-Dei Isơrael, anăn Sư Kră Yang Tih Hloh.

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

Mathiơ 4:5

Đơ̆ng noh yang Satan anhăk ba Yêsu năm tơ Pơlei Jêrusalem mă đe anăn pơlei 'Bok Kei-Dei, na yang Satan anhăk ba Yêsu tŏk tơ kơpal bơbŭng hnam akŭm tơm.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 26:2

Pơih bĕ lu 'măng jang. Ăn kơ dêh char tơpăt đei đon lui tơpă mơ̆t tơ noh,

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Ne 11:1

Lu kră pơgơ̆r kon pơlei tă kơ oei lăm pơlei Jêrusalem: Gah lu kon pơlei nai đe hlang rơih iŏk minh lăm mơjĭt đơ̆ng lu bơngai noh, năm oei tơ pơlei Jêrusalem, pơlei 'lơ̆ng rơgoh păng lu tơsĭn 'nu noh oei tơ pơlei nai;

Le 28:40

Ih kư̆m athei pơm kơ lu kon drŏ-nglo Arôn ao tai, tơlei tơ̆n păng môk, wă kơ pơyom ư-ang 'lơ̆ng rŏ.

Le 28:2

Ih athei pơhrŭk ăn kơ Arôn 'nhŏng ih ao rơgoh 'lơ̆ng, wă kơ pơyom ư-ang.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.

Êphêsô 4:24

na jing bơngai 'nao, bơngai mă 'Bok Kei-Dei pơjing hơbŏ thoi Sư, wă kơ bơ̆n pơm 'lơ̆ng tơpăt kiơ̆ thoi Sư wă.

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

Hagai 2:4

Dang ei Kră Yang khan: ‘Ơ Sôrôbabel ih athei nuih kơtang bĕ; ih Jôsua, kon drŏ-nglo Jêhôsađak, 'bok soi tơm, kư̆m athei nuih kơtang Kră Yang khan dơ̆ng: Đĭ-đăng kon pơlei kơpal teh, lu iĕm kư̆m athei nuih kơtang păng bơ̆jang bĕ; yua kơ Inh oei hăm iĕm,’ Kră Yang Tih Hloh khan thoi noh.

Êsêkiên 44:9

Kră Yang khan thoi âu: 'Nĕ kơ ăn bơngai tơmoi ưh kơ kăt tơdra lăm jơhngơ̆m păng sĕch akar kư̆m ưh kơ kăt tơdra, mơ̆t lăm anih 'lơ̆ng rơgoh Inh, mă lu bơngai oei hơdai hăm lu adrĕch adrung Isơrael kư̆m ưh kơ gơh mơ̆t tơ noh.

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Da 10:9

Đơ̆ng noh inh kơtơ̆ng lu nơ̆r sư, lăp inh kơtơ̆ng inh pơ̆k kơmŭ brum muh măt inh tơ teh na tep hloi.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 1:26

Inh gô tơiung ming lu 'bok sek tơlang noh thoi sơ̆ dơ̆ng, hăm lu bơngai pơđâu ih thoi blŭng-a na đe gô ang khan. Pơlei 'Lơ̆ng Tơpăt, Pơlei tơnăp 'lơ̆ng.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Tơdrông Tơ'bôh 11:2

Gah tơ 'ngoaih hnam tơ cham ih lê̆ kơ pơtŏ kư̆m bưh, yua kơ cham noh đe pơjao ăn kơ lu bơngai oei tơ teh âu juă lăm pơlei 'lơ̆ng wă khan Pơlei Jêrusalem kơplah lăm puăn-jĭt 'bar khei.

I Ho 16:29

Pôk pơư bĕ kơ Kră Yang tơdrong ư-ang lăp kơ anăn Sư. Chĕp ba bĕ tơmam soi pơyơ̆r 'bơ̆t anăp Sư! Kơkuh pơyom bĕ kơ Kră Yang lăm tơdrong 'lơ̆ng rơgoh Sư.

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.