Êsai 51:9 - Sơ̆p Hlabơar Nơ̆r 'Bok Kei-Dei

⁹ Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Êsai 51:9 Referans Kwoze

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 27:1

Lăm năr noh, Kră Yang gô yua đao gưm arăng, Tih păng pran kơtang wă phak: Lêwiathan jơ̆ 'bih hơbĕch hơbal, phak Lêwiathan jơ̆ 'bih đŏng đĕo păng Sư gô pơlôch kơ-nang-grai lăm đak dơsĭ.

Horiso 89:10

Kră Yang teh pơjuă Rahap.a Thoi akâu bơngai lôch. Ih yua kơkŏng ti pran Ih teh tơklah lu ayăt kơ Ih.

Êsai 30:7

Tơdrong lu bơngai Êyiptơ tơgŭm jơ̆ tơdrong ưh kơ yua, na Inh anăn sư Rahap, wă khan bơngai oei minh 'bôt ưh kơ pơm kiơ.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsai 51:17

Hơđơ̆r bĕ, hơđơ̆r bĕ! Ơ Jêrusalem iung dơ̆ng bĕ! Iĕm bơngai huch kơchŏk tơdrong hil mĭl đơ̆ng Kră Yang. Ih huch dĭng mah hrơ̆ đơ̆ng kơchŏk. Kơchŏk mă pơm kơ iĕm pơ̆k iung.

Horiso 44:1

Ơ Kră Yang 'Bok Kei-Dei, đon lu nhôn đei kơtơ̆ng, Lu 'bok yă nhôn đei roi ăn, Tơdrong jang Kră Yang đei pơm lăm chăl arih lu sư. Sơ̆ ki sơ̆ kach.

Jop 26:12

Kră Yang iŏk tơdrong mơsêh Sư pơm kơ đak dơsĭ hơđơ̆ng ngơ-ngơ̆n. Yua tơdrong gơh hơgei Sư na teh tơhuŏng lê̆ Rahap.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Habakuk 3:13

Ih iung lĕch pơklaih kon pơlei Ih kơdih, Ih lĕch dŏng pơklaih bơngai mă Ih đei tuh đak rơmă. Ih teh pơrăm kơ̆l bơngai kơnê̆, pơrăm lê̆ hnam sư, Pơm kơ sư akâu hoh đơ̆ng jơ̆ng truh tơ kơ̆l. Sêla

Êsai 62:8

Kră Yang đei yơ̆r ti gah 'ma Sư păng kơkŏng ti mơsêh Sư pơkăm khan: “Inh ưh pă đei ăn bơih 'ba mi ih kơ lu bơngai ayăt kơ ih sŏng sa dơ̆ng, lu bơngai tơmoi gô ưh pă et sik hơmu 'nao ih. Sik mă đơ̆ng ih jang gleh hrat.

Horiso 93:1

Kră Yang pơgơ̆r; Sư hrŭk ư-ang rang mơnhal. Kră Yang hrŭk tơdrong ư-ang rang mơnhal păng tơ̆n tơdrong pran kơtang, tơpă pơjing teh đak kơjăp, ưh kơ đei pơpơ̆.

Horiso 87:4

“Inh gô roi gah Êyiptơ păng Babilôn lu bơngai char mă băt kơ inh. To Philistin, Tirơ păng Êthiôpi; Lu bơngai âu tơpŭ tơ Siôn.”

Horiso 44:23

Ơ Kră Yang, hơđơ̆r bĕ, yua kơ kiơ Ih oei tep? Iung bĕ, 'nĕ kơ achăng lê̆ lu nhôn ling-lang.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 11:17

păng khan: “Ơ 'Bok Kei-Dei Kră Yang Tih Hloh, Ih mơsêh mơyang tih-tin mă đei đơ̆ng sơ̆ khơ̆ dang ei, bơnê kơ Ih, nhôn băt kơ Ih wă pơgơ̆r tôm tơdrong tơpă boih.

Luka 1:51

Sư yua tơdrong mơsêh mơyang Sư wă blah pơpuh tŭk lê̆ lu bơngai mă pơang akâu kơdih hăm pơm kơnê̆ kơ đe.

Habakuk 2:19

Răm-'băm tơpă kơ lu đe bu khan kơ 'long rup pơm 'bih thoi âu: ‘Ih hơđơ̆r bĕ! Păng khan kơ rup yang tơmo klĭk thoi âu: ‘Iung bĕ ih!’ Bơtho tơ'bôh lu nhôn? Âu, sư noh jơ̆ kơtuăl hu maih đĕch, ưh kơ gơh dui jơhngơ̆m.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Horiso 78:65

Đơ̆ng noh Kră Yang hơdơ̆r thoi iung đơ̆ng tep. Thoi bơngai nuih pran jreo tơkĕch đơ̆ng tơdrô pơm.

Horiso 21:13

Ơ Kră Yang, anăn Ih ư-ang lăm pran kơtang Ih! Lu nhôn gô hơri bơnê kơkuh tơdrong mơsêh Ih.

Lu 6:13

Giđêôn tơl: Ơ Yŏng tơ'ngla, tơdah Kră Yang oei hơdai lu nhôn, liơ lu nhôn mă đei tơdrong truh thoi âu? Lu tơdrong hlĭch chrơp mă 'bok lu nhôn đei roi khan kơ nhôn kơtơ̆ng tơ yơ? Lu sư khan: Hăm trŏ kơ Kră Yang chông ba lu bơ̆n lĕch đơ̆ng dêh Êyiptơ? Mă-lei dang ei Kră Yang achăng lê̆ lu nhôn, na pơjao lu nhôn lăm ti bơngai Miđian.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Yo 12:38

'Noh 'blep trŏ tơpă thoi Êsai chih khan lê̆ hơdrol sơ̆ thoi âu: “Ơ Kră Yang, đe ưh kơ lui kơ tơdrong nhôn bơtho; păng đe ưh kơ lui kơ mơsêh mơyang đơ̆ng ti Ih pơm.”

Horiso 59:4

Ơ Kră Yang. Inh huay kơ glăi ră mă-lei lu sư wă druh blah inh. Apinh Ih, hơđơ̆r bĕ tơgŭm dŏng inh păng lăng inh.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Horiso 77:5

Inh tơchĕng kơ chăl sơ̆, kơ lu sơnăm mă hloh boih sơ̆ ki,

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Sa 10:11

Lu sư yak hlôi kơ đak dơsĭ anat dêh, yak rok đak dơsĭ poh-yă, đơ̆ng noh dơ̆ng dôm lu đak krong Nil mă jrŭ gô hrĕng kro, Inh gô pơrăm lê̆ đĭ dôm tơdrong pơang char Asiri păng 'long jra pơtao Êyiptơ gô hiong đĭ.

Horiso 44:2

Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.

Horiso 44:24

Yua kơ kiơ Ih ôn muh măt. Hiơt đĭ lu tơdrong pơmat-tat păng đe pơjuă lu nhôn.

Horiso 89:11

Đĭ kơ plĕnh hăm teh đak jơ̆ tơmam Ih, Ih đei pơjing teh đak păng dôm tơmam kơpal teh.

Mi 7:15

Inh gô pơdah ăn kơ lu sư dôm tơdrong hlĭch chrơp, kư̆m thoi lu năr mă iĕm lĕch đơ̆ng teh đak Êyiptơ.

Jang 7:7

Mă-lei Inh gô sek tơlang păng phak dêh ei, na lu kon sâu ih gô jăk đơ̆ng dêh ei na oei tơ dêh âu, kơkuh kơ Inh oei tơ dêh âu.