Êsai 51:17 - Sơ̆p Hlabơar Nơ̆r 'Bok Kei-Dei

¹⁷ Hơđơ̆r bĕ, hơđơ̆r bĕ! Ơ Jêrusalem iung dơ̆ng bĕ! Iĕm bơngai huch kơchŏk tơdrong hil mĭl đơ̆ng Kră Yang. Ih huch dĭng mah hrơ̆ đơ̆ng kơchŏk. Kơchŏk mă pơm kơ iĕm pơ̆k iung.

Êsai 51:17 Referans Kwoze

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.

I Kor 15:34

Iĕm athei tơbral tơdrong yoch na jing 'lơ̆ng 'nĕ pă pơm tơdrong yoch đơ̆ng âu tơ anăp. Lu iĕm mơ'nah ưh kơ hlôh wao tơdrong 'Bok Kei-Dei thoi yơ na iĕm mơlâu ưh?

Êsai 51:9

Ơ ti Kră Yang hơđơ̆r bĕ hơđơ̆r bĕ! Pơpôi jơhngơ̆m pran. Iung bĕ thoi sơ̆. Thoi jơhngơ̆m blŭng-a sơ̆! Hăm trŏ kơ Ih Tơ'ngla wă koh hơjăl Ahap, păng 'bet bơih kon sem brem tih noh dah kiơ?

Horiso 60:3

Ih pơm boih kơ lu kon pơlei 'bôh tơdrong pơmat. Ăn kơ lu nhôn et sik, suai wing măt.

Jop 21:20

Ăn kơ măt lu sư 'bôh tơdrong pơrăm truh tơ lu sư, Ăn kơ lu sư đei huch tơdrong hil mĭl Kră Yang Tih Hloh.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Sa 12:2

“'Nâu, Inh gô pơm ăn kơ pơlei Jêrusalem jing minh pôm kơchŏk pơm kơ kon pơlei mă oei tăp dăr kơ sư; păng tơdah đe wang Jêrusalem boih, kư̆m gô đei tơdrong truh kơ Juđa.

Horiso 75:8

Lăm ti Kră Yang đei chĕp pơnhan. Tơdrô blôk yuh; Sư tuh 'bĕnh kơ tơdrô hơkăm. Đĭ-đăng lu bơngai kơnê̆ lăm teh đak gô huch tơdrô noh; păng huch pơgoh đĭ kơdroh sư.

Horiso 11:6

Sư gô tuh ngar ŭnh tơmo ngŭr tơ lu bơngai kơnê̆, Kial tŏ hang tuh ăn kơ lu sư.

Tơdrông Tơ'bôh 16:19

Pơlei Babilôn pơlei tih dêh đei tơdrong truh kơ lu sư hơling hơlơ̆m pêng pah kueng pơgăn. Păng jơ̆p-jang kơ teh đak kon pơlei pơla nai kư̆m pơchah răm lei-lăi. Pơlei Babilôn 'Bok Kei-Dei hil kơ lu sư ưh kơ chu, na Sư ăn kơ lu sư et sik pơhrăp tơdrong Sư hil.

Je 25:27

“Ih khan bĕ kơ lu sư: Kră Yang Tih Hloh 'Bok Kei-Dei Isơrael, khan: ‘Huch bĕ mă suai, hăk lê̆, pơ̆k lê̆ pă iung, yua kơ đao gưm Inh ăn truh tơ lu iĕm!

Horiso 75:10

Inh gô ret lê̆ đĭ hơke lu bơngai kơnê̆, mă-lei gah hơke lu bơngai tơpăt gô hơtŏk kơjung.

Lu 5:12

Ơ Đêbôra, Hơđơ̆r bĕ, hơđơ̆r bĕ! Hơđơ̆r bĕ, hơđơ̆r bĕ, hơri bĕ minh bai hơri! Ơ Barak, iung bĕ! Chông ba lu bơnă ih, Ơ kon drŏ-nglo Abinôam,

Both 28:34

Na iĕm jing wơnh yua kơ đêl tơm măt iĕm oei 'bôh.

Both 28:28

Kră Yang gô ăn kơ iĕm jing wơnh, măt tol, hiong tơdrong tơchĕng rŭng răng.

Mathiơ 20:22

Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”

Êsai 29:9

Kơdrăt bĕ, hli tơrơ bĕ, măt iĕm tol păng pă 'bôh! Suai bĕ, mă-lei ưh kơ suai đơ̆ng tơdrô hơmu, nơnăm we-wo 'ma 'ngiĕo ưh kơ sĭ đơ̆ng huch tơdrô 'lơ̆ng ôh.

Êsai 51:21

Na, dang ei, mơ̆ng bĕ tơdrong 'nâu ơ lu bơngai pơmat-tat, lu bơngai suai mă-lei ưh kơ đei yua đơ̆ng tơdrô.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Êsai 63:6

Inh pơjuă gơhlơ̆r bơih lu kon pơlei lăm tơdrong hil mĭl. Inh ăn kơ lu sư suai hăm tơdrong Inh hil mĭl, păng pơlôch bơih pham lu sư lĕch tơ kơpal teh.

Je 13:13

Ih athei khan kơ lu sư. Kră Yang khan: “'Nâu, Inh gô tuh sik 'bĕnh kơ 'bơ̆r kon pơlei oei lăm dêh char âu, lu pơtao mă hơ-oei 'bơ̆t tang-dŏ pơtao Đawit, lu 'bok soi, lu 'bok khan lê̆ adrol păng kơ đĭ-đăng lu bơngai mă oei lăm pơlei Jêrusalem.

Je 25:18

Pơlei tih Jêrusalem păng lu pơlei lăm char Juđa, ăn kơ lu pơtao lu yŏng pơgơ̆r, pơm ăn kơ lu sư răm jing rơ̆m rĕk, đe pơjăm đe blei hiap, đe lăng lu sư 'brơ̆ krưp thoi hrei 'nâu.

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Horiso 60:5

Wă kơ bơngai bu mă Ih 'mêm gơh klaih hlôi. Apinh Kră Yang yua ti 'ma Ih pơklaih păng tơl tơwih kơ nhôn.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.