Êsai 51:12 - Sơ̆p Hlabơar Nơ̆r 'Bok Kei-Dei

¹² Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Êsai 51:12 Referans Kwoze

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Yo 14:18

“Inh ưh kơ tŭk iĕm thoi kon mơti ôh. Inh gô jur tơ iĕm dơ̆ng.

Êsai 66:13

Inh gô pơlung lu iĕm thoi noh. Nhen thoi mĕ pơlung kon, lu iĕm gô đei tơdrong pơlung tơ lăm Jêrusalem.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 43:25

Noh, Inh kơdih 'mơ̆i sŭt lê̆ tơdrong iĕm pơm yoch păng Inh ưh pă 'blŏk dơ̆ng tơdrong yoch iĕm.

Tơdrông Pơđơk 29:26

Lơ bơngai chă tơdrong mơnat đơ̆ng yŏng pơgơ̆r, Mă-lei gơh đei jô̆ 'lơ̆ng noh đơ̆ng Kră Yang ăn.

Horiso 146:4

Bơhngola lĕch boih, akâu lu sư brŏk hơlơ̆k tơ teh, Lăm năr noh hloi dôm tơdrong lu sư wă pơm kư̆m hiong đĭ

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

II Pot 1:15

Linh jang 'lơ̆ng Kră Yang khan kơ Êli: “Năm wăi ih jur năm tơ sư, 'nĕ kơ hli kiơ.” Thoi noh Êli jur năm kiơ̆ yŏng linh ei, năm tơ pơtao.

Êsai 40:1

Kră Yang 'Bok Kei-Dei lu iĕm khan: Pơlung bĕ, pơlung bĕ kon pơlei Inh.

Êsai 49:13

Ơ plĕnh, hơri bĕ! Ơ teh, hiôk chơt bĕ! Ơ lu kông pơret nơ̆r hơri bĕ! Yua kơ Kră Yang đei pơlung bơih kon pơlei Sư păng mơnat kơ lu bơngai pơmat-tat.

Êsai 57:11

Gơneh gơnơm kơ bu iĕm hli yom kơ bu, na iĕm mah pơma hơlĕnh kơ Inh. Ưh pă 'blŏk kơ Inh. Ưh pă 'măn Inh lăm jơhngơ̆m iĕm, hăm trŏ yua kơ Inh oei ngăn đunh dêh, na iĕm ưh kơ hli kơ Inh?

Je 38:19

Pơtao Sêđekia khan kơ Jêrêmi. Inh hli kơ bơngai Juđa mơ̆t bơngai Kalđê boih, na gô jao inh tơ lăm ti lu sư, pơm kơnê̆ kơ inh.’ ”

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

I Sam 17:11

Sôl păng lu bơngai Isơrael mơ̆ng dôm lu nơ̆r bơngai Philistin, pơma noh jơhngơ̆m lu sư hli tơrơ dêh.

I Sam 21:13

Đawit pơm wơnh 'bơ̆t anăp lu đe noh păng thoi bơngai sem brem, Đawit chhơ̆ tơ lu 'măng păng lê̆ đak hai ro tơ sŏk kang sư.

Êsai 8:12

Sư khan: “'Nĕ kơ pơma 'bơm wă blah, dôm lu tơdrong kon pơlei âu pơma 'bơm blah plơ̆. 'Nĕ kơ hli tơdrong lu sư hli păng 'nĕ kơ tơrơ ôh.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.