Êsai 50:2 - Sơ̆p Hlabơar Nơ̆r 'Bok Kei-Dei

² Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 50:2 Referans Kwoze

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Jo 11:23

Kră Yang khan kơ Môis thoi âu: Ti Kră Yang kơđeh hă?a Ih gô lăng hŏ tơdrong mă Inh đei khan boih hăm ih gô lăng hăm truh trŏ 'blep.

Êsai 66:4

Na Inh kư̆m gô rơih iŏk tơdrong pơmat ăn kơ lu sư, na tuh ăn tơdrong mă lu sư hli. Yua kơ mưh Inh krao ưh kơ đei bu tơl, Inh pơma lu sư ưh kơ wă mơ̆ng, Lu sư pơm bơih tơdrong kơnê̆ 'bơ̆t anăp Inh, păng rơih tơdrong mă Inh ưh kơ lăp đon.”

Jôsuê 3:16

Na đak đơ̆ng tu khơ̆t kơtĕch hloi, đak pơpôi minh 'bôt 'bĕnh tŏk truh tơ pơlei Ađam, pơlei noh jê̆ pơlei Sarêthan; na bơbah đak ro truh tơ đak dơsĭ Araba, ‘wă khan Dơsĭ 'Boh,’ hrơ̆ hrĕng, na lu kon pơlei jur yak tŏk rok tơklă pơlei Jêrikô,

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Tơdrông Pơđơk 1:24

Yua kơ Inh krao, mă-lei lu iĕm sơngah, Inh yơ̆r ti, kư̆m ưh kơ đei bơngai bu wă lăng;

Yo 1:11

Sư jur tơ teh đak Sư kơdih, mă-lei lu buăl Sư ưh kơ wă sơng iŏk Sư.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Êsai 65:12

Na Inh hơgăt ăn kơ lu iĕm lôch kơ đao gưm, păng đĭ-đăng lu iĕm gô kŭp kơ̆l ăn kơ đe pơlôch; Yua kơ Inh krao bơih lu iĕm ưh kơ tơl; Inh đei khan lu iĕm ưh kơ 'maih mơ̆ng, lu iĕm đei pơm bơih tơdrong kơnê̆ 'bơ̆t anăp Inh, păng rơih iŏk tơdrong Inh ưh kơ lăp đon.”

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Êsai 43:16

Kră Yang khan: “Sư boih Tơ'ngla pơih bơih trong lăm đak dơsĭ, păng pơm trong rok đak ro jăng.

Êsai 42:15

Inh wă pơrăm lê̆ kông groi Inh pơm kơ lu 'nhĕt 'long jô kro, Inh gô pơm kơ glung krong jing teh hrĕng đak dơnâu gô hrơ̆.

Le 14:21

Môis yơ̆r ti sư tơ đak dơsĭ Kră Yang pơm kial tih đơ̆ng gah hơlĕch tơthu tơ đak dơsĭ pơm kơ đak akŭm tơklah asong 'bar pah jing teh hrĕng,

Le 7:21

Ka lăm đak krong Nil lôch đĭ-đăng, đak krong jing 'bâu ôm, lu bơngai Êyiptơ ưh kơ gơh nhă; đei pham tơ jơ̆p-jang kơ đak lăm dêh Êyiptơ hloi.

Le 7:18

Ka lăm đak krong Nil gô lôch păng đak krong gô 'bâu ôm, bơngai Êyiptơ ưh kơ pơ̆n nhă đak noh.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Markôs 4:39

Na Sư iung khă hloi kial păng khan kơ đak dơsĭ: “Thĕng bĕ, păt bĕ.” Kial thĕng hloi, đak poh-yă kư̆m pă adrŏ adrĕnh.

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Êsai 63:13

Mă Tơ'ngla dui ba lu sư tŏk hlôi đơ̆ng lăm sơlŭng jrŭ? Nhen thoi aseh kơdâu tơ char glă, ưh kơ đei pơ̆k.

Êsai 51:10

Hăm trŏ kơ Ih Tơ'ngla mă pơm kơ đak dơsĭ, păng đak sơlŭng jrŭ tih hrơ̆, pơm ăn kơ đak dơsĭ jrŭ jing trong, wă ăn kơ kon pơlei mă Ih dŏng pơklaih năm rok trong noh?

Êsai 41:28

Inh chă lăng, mă-lei ưh kơ đei bu, lăm lu rup Yang kư̆m ưh kơ đei Yang kiơ gơh chă đon, wă kơ mưh Inh jet sư gơh tơl tơwih kơ Inh minh nơ̆r.

Êsai 36:20

Lăm lu yang dêh char noh tam đei yang ayơ dŏng pơklaih bơih dêh char sư klaih đơ̆ng ti inh ưh? Na liơ Kră Yang gơh dŏng pơklaih Jêrusalem đơ̆ng ti inh lĕ?

Êsai 19:5

Đak dơsĭ gô hrơ̆, đak krong gô hrĕng kro.

Horiso 107:33

Sư tơplih đak Krong jing char 'blach. Tu đak glung jing teh hrĕng kro.

II Ho 32:15

Thoi ei na, dang ei lê̆ pă ăn kơ Hesekia pơhlŭ lu iĕm, pơthơr chông lu iĕm, lu iĕm 'nĕ pă lui kơ sư, yua kơ ưh kơ đei yang char kiơ mă dêh ayơ gơh pơklaih kon pơlei sư đơ̆ng ti inh, dah đơ̆ng ti lu 'bok inh sơ̆; tơma kiơ Kră Yang 'Bok Kei-Dei lu iĕm khan gơh dŏng pơklaih lu iĕm đơ̆ng ti inh!’ ”

Le 14:29

Mă-lei lu kon pơlei Isơrael năm yak tŏk-bŏk đak dơsĭ thoi kơpal teh kông hrĕng; đak pơm bơnơ̆ pĕng gah 'ma păng gah 'ngiĕo.

Je 8:6

Inh pơgling đon păng oei mơ̆ng, mă-lei lu sư pơma ưh kơ tơpăt ôh. Ưh kơ đei bu tơbral tơdrong yoch sư, na khan: “Tơdrong kiơ inh đei pơm boih?” Rim 'nu yak kiơ̆ trong lu sư kơdih, thoi aseh hrơ̆t năm tơpăt tơ anăp wă tơblah.

Horiso 106:9

Sư chrih kơ đak dơsĭ 'brê, na đak hrơ̆ hloi. Sư chông ba Isơrael rok đak dơsĭ jrŭ, thoi yak rok char 'blach.

Da 6:27

Sư boih mă dŏng pơklaih păng yaih achăng, pơm lơ tơdrong hlĭch păng chrơp tơ kơpal plĕnh ala teh dŏng pơklaih boih Đaniel đơ̆ng tơdrong pran kơtang dăm-brang.

Je 7:13

Kră Yang khan: Yua kơ lu iĕm đei pơm boih tôm tơdrong noh mă Inh lơ wơ̆t khan kơ lu iĕm, mă-lei lu iĕm ưh kơ wă mơ̆ng; Inh krao lu iĕm mă-lei lu iĕm kuă kơ tơl nơ̆r Inh.

Êsai 11:15

Kră Yang gô pơm kơ đak dơsĭ Êyiptơ hrơ̆ đĭ; Kră Yang yơ̆r ti sư kơpal đak krong Ơphrat hăm kial tŏ, Sư blah song krong noh jing tơpơh chơnglah, wă kơ đe yak năm lăm krong noh jơ̆ng ưh kơ hơiuh ôh.

Êsai 23:11

Kră Yang yơ̆r ti sư kơpal đak dơsĭ, pơm kơ rim teh đak tơdrŏ, Sư pơm boih kơ Kanaan wă pơrăm lu kơđông kơjăp sư.

Êsai 44:27

Sư khan kơ sơlŭng jrŭ ‘hrơ̆ hrĕng bĕ, Inh gô pơm kơ lu krong hrơ̆ kro.’

Êsai 54:6

Kră Yang krao iŏk iĕm thoi drŏ-kăn klo achăng lê̆ păng ơh sơ'ngon lăm jơhngơ̆m, nhen thoi akăn iŏk oei kơplah oei mơlôh, Kră Yang 'Bok Kei-Dei iĕm khan thoi noh.

Je 7:27

Kơplah Ih pơma dôm tơdrong 'nâu, lu sư ưh kơ mơ̆ng ih. Ih krao, mă-lei lu sư kuă kơ tơl.

Je 14:9

Liơ Ih nhen thoi bơngai đei tơdrong truh ưh kơ tam băt, nhen thoi bơngai nuih pran mă ưh kơ gơh dŏng pơklaih bu? Mă-lei ơ Kră Yang, Ih oei oei hơdai nhôn, đe krao nhôn kon Ih, apinh Ih 'nĕ kơ achăng lê̆ lu nhôn.

Je 35:14

Nơ̆r Jônađap, kon drŏ-nglo Rêkap bơtho khan kơ kon sâu sư, 'nĕ kơ et huch sik hơmu ôh, lu sư chu boih, truh tơ dang ei lu sư ưh dah huch sik đak hơmu ôh. Lu sư chu kiơ̆ kơ 'bok lu sư pơkă. Bĕ Inh pơma bơtho lu iĕm ling-lang, mă-lei lu iĕm kuă kơ mơ̆ng Inh.

Habakuk 3:8

Ơ Kră Yang hăm trŏ kơ Ih blĕk hil kơ lu đak krong ưh? Tơdrong hil Ih tuh kơ đak glung ưh? Hăm trŏ tơdrong hil Ih blah đak dơsĭ, kơplah Ih hao aseh hao gre aseh Ih năm wă dŏng pơklaih?

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.