Êsai 5:26 - Sơ̆p Hlabơar Nơ̆r 'Bok Kei-Dei

²⁶ Kră Yang Sư pơdơ̆ng hla-kơ ăn kơ lu bơngai oei tơ dêh ataih, păng hơhôch krao lu sư đơ̆ng jơ̆p-jang tôch kơ teh đak, na lu sư hăt hot wă kơ jah truh tĕnh.

Êsai 5:26 Referans Kwoze

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Êsai 7:18

Lăm năr noh, Kră Yang gô hơhôch krao lu roi đơ̆ng tu đak glung Êyiptơ păng krao sut đơ̆ng dêh Asiri.

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Habakuk 1:8

Lu linh aseh sư kơdâu hơbal hloh kơ djrang păng nuih hloh kơ kŏ-so tơ kơmăng. Lu linh aseh sư năm tơ jơ̆p-jang anih hơbĕch hơbal truh đơ̆ng dêh ataih; lu păr hrĕnh thoi sem kring, hăt hot kơ chă sa.

Jôel 2:7

Lu sư kơdâu tơpăt anăp thoi bơngai năm tơblah pran; lu sư hao dur pơlei thoi lu linh tơblah; rim 'nu lu sư năm tơ anăp, lu sư năm ưh kơ đei weh ôh đơ̆ng trong khŭl sư.

Nhom 4:19

Lu bơngai druh lu bơ̆n hrĕnh hloh kơ sem kring păr tơ plĕnh. Druh lu bơ̆n tơ jơ̆p rim kông, wă rôp lu bơ̆n tơ char 'blach,

Je 51:27

Hơtol bĕ hla-kơ tơ lăm lu teh đak; hlôm bĕ tơgiĕp tơ jơ̆p kơ dêh char; Hơmet dêh char năm blah sư, Krao pơtơm bĕ lu dêh char Ararat, Mini păng Askenas năm blah sư. Pôk pơjing bĕ yŏng linh! Chông ba bĕ aseh mă lơ năm blah thoi lep tung-nut jơ̆p kơ teh.

Je 5:15

Kră Yang khan: “Ơ adrĕch Isơrael, Inh gô ăn đei minh adrĕch adrung đơ̆ng dêh ataih năm blah iĕm, Adrĕch adrung pran kơtang oei tơ âu đunh boih. Lu iĕm ưh kơ băt ưh kơ hlôh nơ̆r lu sư. Kŭm ưh kơ hlôh lu sư pơma kiơ.

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Êsai 39:3

Êsai bơngai khan lê̆ adrol năm tơ pơtao Hesekia păng jet sư: “Lu bơngai noh pơma yă kiơ hăm ih? Păng lu sư đơ̆ng yơ năm ngôi tơ ih?” Hesekia tơl khan: “Lu sư đơ̆ng dêh ataih truh tơ âu, đơ̆ng dêh char Babilôn.”

Êsai 30:16

Lu iĕm khan: ‘Ưh, lu nhôn gô hao aseh chă kơdâu klĕnh’ trŏ bơih na lu iĕm gô kơdâu klĕnh. ‘Lu iĕm khan lu nhôn hao aseh kơdâu hrĕnh,’ na lu bơngai druh iĕm kư̆m gô kơdâu hrĕnh mơ̆n!

Êsai 13:5

Lu sư truh đơ̆ng dêh char ataih, đơ̆ng tôch kơ plĕnh teh. Kră Yang păng lu tơmam tơblah, Sư yua lăm tơdrong Sư hil mĭl wă pơrăm đĭ teh âu.

Êsai 13:2

Pơdơ̆ng bĕ hla-kơ tơ kơpal wĕch kông mơ-mlưch! Ôr krao lu sư bĕ, kơkuơch lu sư bĕ, ba lu sư năm mơ̆t tơ 'măng jang lu bơngai yŏng mơng!

Horiso 72:8

Ăn kơ sư pơgơ̆r đơ̆ng đak dơsĭ âu truh tơ đak dơsĭ nai. Đơ̆ng krong âu truh tơ tôch teh đak.

Horiso 60:4

Ih ăn boih kơ lu bơngai mă chu yom hla-kơ Ih. Wă kơ pơdah sư kơ tơdrong tơpăt sĭt. Sêla

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 13:3

Inh tơtă ăn bơih kơ lu bơngai mă 'lơ̆ng rơgoh Inh; Inh krao bơih lu bơngai nuih kơtang Inh wă pơm pơtruh tơdrong Inh hil mĭl, lu Sư chhôk hal pơm tơdrong Inh wă.

Êsai 13:4

Mơ̆ng bĕ, đei nơ̆r ơ-ôs ơ-as tơ kơpal lu kông noh, thoi đei nơ̆r kon pơlei lơlap! Mơ̆ng bĕ, đei ôr krao re đơ̆ng lu dêh char, thoi lu dêh char akŭm băl! Kră Yang Tih Hloh akŭm lu linh Sư wă năm tơblah.

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsêkiên 38:17

Kră Yang khan thoi âu: Hăm trŏ kơ ih bơngai mă Inh đei roi đunh đơ̆ng sơ̆ boih Inh đei yua lu đĭch đam Inh lu 'bok khan lê̆ adrol bơngai Isơrael, kơplah lăm năr noh sơ̆, đunh sơnăm bơih, lu sư đei khan lê̆ adrol thoi âu. Inh gô chông ih năm blah lu sư.