Êsai 49:7 - Sơ̆p Hlabơar Nơ̆r 'Bok Kei-Dei

⁷ Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 49:7 Referans Kwoze

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

I Pet 2:4

Bơ̆n athei oei jê̆ Sư ling-lang, yua kơ tơdrong arih lu bơ̆n đơ̆ng Sư ăn. Sư thoi lĕ kơ tơmo đe man hnam tŭk boih; lu kon bơngai ưh kơ gĭt kơ Sư, mă 'Bok Kei-Dei gĭt kơ Sư na iŏk Sư.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Êsai 48:17

Kră Yang Tơ'ngla dŏng pơklaih iĕm Tơ'ngla 'Lơ̆ng Rơgoh Isơrael khan: “Inh bơih Kră Yang, 'Bok Kei-Dei iĕm, Tơ'ngla bơtho iĕm mă đei tơdrong 'lơ̆ng kơ iĕm păng dui ba iĕm lăm trong iĕm gô năm.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 49:1

Ơ lu bơngai oei lăm bŏl đak dơsĭ mơ̆ng Inh bĕ! Ơ lu kon pơlei oei ataih mơ̆ng bĕ, Kră Yang krao iŏk inh đơ̆ng lăm klak mĕ inh. Anăn ăn kơ inh đơ̆ng inh oei lăm klak mĕ inh.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Yo 19:15

Lu sư ôr pơret: “Nhôn ưh kơ wă bơngai 'noh. Pơ̆ng pơlôch Sư tơ 'long pơglang.” Pilat khan dơ̆ng: “Inh pơ̆ng pơlôch 'Bok Pơtao iĕm hă?” Mă-lei lu 'bok soi tih khan: “Nhôn đei minh 'nu Sêsar đĕch pơm pơtao nhôn.”

Luka 23:35

Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Luka 23:23

Mă-lei lu đe ei pơma 'bơ̆r re pơlŭt Pilat khŏm khŏm athei sư pơ̆ng pơlôch Yêsu tơ 'long pơglang. Na khŏm khŏm jing jei hĭ lu đe noh tơpă.

Êsai 60:10

Lu bơngai tơmoi gô man pơdơ̆ng ming dur ih păng pơtao lu sư gô bơ̆jang kơ ih kơplah Inh hil mĭl đei teh tôn mă-lei 'bơ̆t Inh mơnat, Inh pơm 'lơ̆ng kơ ih dơ̆ng.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 48:7

Dôm tơdrong 'noh đe 'nao pơjing, đơ̆ng sơ̆ ưh tam mă đei ôh: Adrol kơ năr 'nâu, iĕm tam kơtơ̆ng tơdrong 'nâu, kơnh hli kơ iĕm khan: ‘Inh băt bơih tơdrong 'noh!’

Horiso 68:31

Lu bơngai tơpăt gô lĕch đơ̆ng char Êyiptơ. Bơngai Êthiôpi gô hăt hot yơ̆r ti krao apinh Kră Yang 'Bok Kei-Dei.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu:

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

Yo 18:40

Lu sư pơma 'bơ̆r re khan: “Ưh ôh, ưh kơ bơngai 'noh. Tơlĕch ăn kơ nhôn 'Barra'ba.” 'Barra'ba 'noh yŏng bơngai tơtông tơgar.

Luka 23:18

Pilat wă tơlĕch Yêsu ră mă-lei đĭ-đăng kơ lu sư wang pơma 'bơ̆r re khan: “Pơlôch Sư đĕch na tơlĕch ăn kơ nhôn 'Barra'ba.”

Luka 22:27

Bơngai bu tih hloh kơ bre sư, bơngai mă awih awăn kơ yŏng sư sa noh, dah yŏng sư tih hloh? Yŏng sư boih tih hloh kơ đĭch sư. Mă-lei kơplah Inh oei hơdai păng lu iĕm, Inh dang đĭch awih awăn kơ iĕm.

Êsai 60:16

Ih gô mŏm đak toh lu dêh char păng lu pơtao thoi mĕ gô tơmŏm 'me rong Ih. Ih gô băt kơ Inh bơih Kră Yang Tơ'ngla dŏng pơklaih ih Tơ'ngla huai iŏk ih păng Tơ'ngla mơsêh pran kơtang adrĕch Jakôp.

Horiso 69:19

Ih băt tơdrong mơlâu, tơdrong đe pơjăm pơjuă păng tơdrong đe pơ'brơh kơ inh. Lu bơngai ayăt kơ inh oei 'bơ̆t anăp Ih.

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Both 7:9

Thoi noh na iĕm athei băt kơnăl kơ Kră Yang 'Bok Kei-Dei iĕm, 'noh boih Kră Yang 'Bok Kei-Dei, wă khan Kră Yang 'Bok Kei-Dei tơpăt, wei tơdrong pơgơ̆p păng 'mêm truh tơ rơbâu jơhnơr kơ lu bơngai bu mă 'mêm kơ Sư păng wei răk dôm nơ̆r sư tơtă.

Horiso 47:9

Yang pơgơ̆r jơ̆p kơ teh đak gô akŭm băl. Pơm kon pơlei pơla Kră Yang Kei-Dei, 'Bok Abraham. Yua kơ khŭl pơtaod lăm teh đak âu tă gah Kră Yang 'Bok Kei-Dei ngăl. Pôk pơư kơ sư yŏng Tih Hloh.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 19:21

Kră Yang gô ăn kơ bơngai Êyiptơ băt kơ Sư, lăm năr noh lu bơngai Êyiptơ gô băt kơkuh kơ Kră Yang, lu sư gô pơyơ̆r tơmam soi 'buh kơ Kră Yang, lu sư pơkă pơkăm hăm Kră Yang păng pơm keh tơdrong lu sư pơkă noh.

Êsai 19:23

Lăm năr noh kơnh gô đei minh pôm trong glung tih đơ̆ng dêh Êyiptơ truh tơ dêh Asiri, lu bơngai Asiri gô năm tơ dêh Êyiptơ, lu bơngai Êyiptơ gô năm tơ dêh Asiri, lu bơngai Êyiptơ păng bơngai Asiri wang hơdai kơkuh kơ Kră Yang.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 49:26

Inh gô pơm kơ lu bơngai pơjuă pơđep iĕm lu sư gô pơlôch dih băl, lu sư jing suai yua kơ đơ̆ng hil blĕk, thoi lĕ suai sik; Đĭ-đăng kon bơngai gô băt kơ Inh, Kră Yang Tơ'ngla dŏng pơklaih iĕm, Tơ'ngla huai iŏk iĕm păng Tơ'ngla mơsêh adrĕch Jakôp.”

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.