Êsai 48:8 - Sơ̆p Hlabơar Nơ̆r 'Bok Kei-Dei

⁸ Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 48:8 Referans Kwoze

Horiso 58:3

Lu bơngai pơm kơnê̆ đei đơ̆ng oei lăm klak mĕ sư. Lu sư pơma hơlĕnh plêl iŏk đơ̆ng 'nao tơpŭ.

Malachi 2:11

Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.

Hôsia 5:7

Lu sư oei arih sa ưh kơ tơpăt ôh hăm Kră Yang. Lu sư pŭ kon pôm đơ̆ng pơm pơyô kư̆ kă. Giĕng Khei 'Nao gô pơrăm sa pơđĭ lu sư lu sư hăm dêh char lu sư.

Je 6:10

Inh gô roi păng tơbăt kơ bu, wă kơ lu sư mơ̆ng Inh? 'Nâu, đon lu sư chĭt lê̆ boih, lu sư ưh pă kơtơ̆ng boih. Nơ̆r Kră Yang lu sư pơjăm, lu sư ưh kơ 'maih mơ̆ng ôh nơ̆r Kră Yang.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Je 5:11

Adrĕch Isơrael păng adrĕch Juđa, oei sa ưh kơ tơpăt hăm Inh ôh,” noh Kră Yang khan,

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Êsai 48:4

Yua kơ Inh băt lu iĕm arăng kơ̆l, hơko iĕm huan thoi bơsei, klĕng iĕm thoi kong,

Êsai 46:8

'Blŏk hơdơ̆r bĕ dôm tơdrong âu, tơchĕng mă hơlen bĕ! Ơ lu bơngai kơchu lu iĕm athei tơchĕng 'blŏk bĕ tơdrong noh lăm kơ̆l.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 21:2

Đei tơ'bôh kơ inh tơdrong hli krưp dêh. Lu bơngai chă tơgar oei chă tơgar, lu bơngai pơrăm, oei chă pơrăm, ơ bơngai Êlam tŏk bĕ, ơ bơngai Mêđi! Wang bĕ, Inh gô pơtôch lê̆ dôm nơ̆r ôr ơh sư.

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Horiso 40:6

Ih ưh kơ wă ôh tơmam soi pơyơ̆r dah tơmam soi 'buh. Ih pơih đon inh boih. Ih ưh pă wă tơmam soh 'buh dah tơmam soi huai yoch.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsai 42:25

Na Kră Yang tuh tơdrong Sư hil, tơdrong tơblah wang tih dêh tơ lu sư, thoi ŭnh sa jum dăr mă lu sư ưh kơ hlôh, ŭnh sa lu sư mă-lei kư̆m ưh kơ bơngơ̆t.

Êsai 47:11

Na tơdrong gô truh tơ ih. Mă ih ưh kơ gơh kơ weh. Tơdrong pơmat-tat gô truh tơ ih mă ih ưh kơ gơh puh tơ nai. Tơdrong pơrăm blư truh ưh kơ tam băt. Mă ih ưh kơ băt adrol ôh.

Êsai 48:7

Dôm tơdrong 'noh đe 'nao pơjing, đơ̆ng sơ̆ ưh tam mă đei ôh: Adrol kơ năr 'nâu, iĕm tam kơtơ̆ng tơdrong 'nâu, kơnh hli kơ iĕm khan: ‘Inh băt bơih tơdrong 'noh!’

Êsai 57:4

Lu iĕm hiĕk che bơle kơ bơngai bu? Lu iĕm ha 'bơ̆r să. Liĕl hơpiĕt iĕm pơpơm kơnê̆ pơjăm bu? Lu iĕm ưh kơ băt iĕm kon sâu bơngai kơnê̆ pơma hơlĕnh hă?

Hôsia 7:9

Bơngai tơmoi tơhiong lê̆ boih tơdrong pran kơtang lu sư, mă-lei lu sư ưh kơ băt tơdrong noh! Kơ̆l lu sư đĭ sŏk ko boih, mă-lei lu sư ưh kơ 'bôh.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 31:18

Mă-lei lăm năr noh, Inh gô ôn muh măt Inh, yua kơ đơ̆ng đĭ-đăng lu tơdrong yoch kơnê̆ lu sư pơm năm kiơ̆ lu yang nai.