Êsai 48:21 - Sơ̆p Hlabơar Nơ̆r 'Bok Kei-Dei

²¹ Kơplah Kră Yang chông ba lu sư năm lăm char glă, lu sư ưh kơ đei ol kơ đak, Kră Yang ăn đak lĕch đơ̆ng tơmo. Kră Yang blah tơmo. Na đak lĕch ro.

Êsai 48:21 Referans Kwoze

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Horiso 105:41

Sư blah tơmo, na đei hloi đak lĕch, ro tơ char glă thoi đak krong.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Horiso 78:20

To sư teh tơmo, đak bluh lĕch ro hloi, 'bĕnh kơ thong. Mă-lei bĕ tơmam sa Sư ưh kơ gơh ăn kơ bơ̆n hă? Bĕ 'nhĕm kông sư ưh kơ gơh ăn kơ kon pơlei Sư hă?”

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Horiso 78:15

Sư blah tơmo lăm char 'blach, ăn kơ lu sư đak nhă hrăp thoi đơ̆ng tu đak jrŭ,

Horiso 74:15

Ih boih pơih tu đak lĕch ăn kơ krong đei đak ro, păng pơhrơ̆ lê̆ lu đak krong tih.

Horiso 78:16

sư ăn đak lĕch đơ̆ng tơmo ro thoi đak krong.

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.