Êsai 48:16 - Sơ̆p Hlabơar Nơ̆r 'Bok Kei-Dei

¹⁶ Lu iĕm athei năm jê̆ Inh păng athei mơ̆ng tơdrong 'nâu: Đơ̆ng blŭng-a Inh ưh tam mă đei pơma ôn. Kơplah đei tơdrong 'noh, Inh oei tơ noh bơih, Dang ei Kră Yang wơh inh năm. Hăm yang bơhngol Sư.

Êsai 48:16 Referans Kwoze

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Êsai 41:1

Ơ lu bŏl đak dơsĭ oei hreh bĕ 'bơ̆t anăp Inh, wă kơ lu teh đak iŏk jơhngơ̆m pran 'nao lê̆ lu sư năm jê̆ Inh na pơma: Bĕ lu bơ̆n akŭm hơdai wă sek tơlang!

Êsai 34:1

Ơ lu dêh char năm mă jê̆ mơ̆ng bĕ, ơ kon pơlei pơla pơđêng đon iĕm mơ̆ng bĕ! Ơ teh đak păng lu tơmam 'bĕnh-'bang kơpal teh ơ dêh char păng lu tơmam lĕch đơ̆ng lăm noh mơ̆ng bĕ.

Êsai 43:13

Tơpă, adrol kơ đơ̆ng đei khei năr sơ̆, Inh bơih Kră Yang 'Bok Kei-Dei, ưh kơ đei bu gơh iŏk tơgar đơ̆ng ti Inh. Mưh Inh pơm, ưh kơ đei bu gơh pơgăn Inh.

Êsai 57:3

Mă-lei lu iĕm ơ lu kon drŏ-nglo yă pơjâu, adrĕch adrung lu bơngai ngôi pơyô kư̆ kă păng drŏ-kăn đi, năm jê̆ tơ âu bĕ.