Êsai 47:6 - Sơ̆p Hlabơar Nơ̆r 'Bok Kei-Dei

⁶ Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 47:6 Referans Kwoze

Sa 1:15

Păng Inh ưh kơ lăp jơhngơ̆m đon kơ adrĕch adrung mă oei hiôk. Sơ̆ Inh hli kơ kon pơlei pơla Inh lăp ai đĕch, mă-lei lu adrĕch adrung sư thim tơdrong pơmat kơ lu sư.’

II Ho 28:9

Tơ noh, đei minh 'nu 'bok khan lê̆ adrol Kră Yang anăn sư Ôdet, năm sơng lu linh brŏk tơ pơlei Samari păng khan: “'Nâu yua kơ Kră Yang 'Bok Kei-Dei 'bok lu iĕm hil kơ lu bơngai Juđa, na Sư đei pơjao đe Juđa lăm ti iĕm; mă-lei lu iĕm pơlôch lu sư lăm năr iĕm hil blĕk dêh mah truh tơ plĕnh.

Both 28:50

Muh măt lu sư krưp tơpă, ưh kơ lăng lu bơngai kră, kư̆m ưh kơ băt mơnat kơ bơngai 'lơ̆p;

Ob 1:10

Noh yua kơ đơ̆ng tơdrong kơnê̆ ih pơm kơ oh ih Jakôp, mă ih gô pŭ iŏk mơlâu păng lôch hiong ling-lang hlong hloi!

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Horiso 69:26

Yua kơ lu sư pơmat lu bơngai mă Kră Yang teh boih, Păng lu sư chă roi tơdrong pơmat-tat lu bơngai mă Ih ăn đei rơka.

Ob 1:16

Sĭt thoi ih đei huch tơdrong Inh phak tơ kông rơgoh Inh thoi yơ, na đĭ-đăng teh đak kư̆m gô huch thoi noh; sĭt, lu sư gô huch sa păng luăn hloi, huch ling-lang pă pơdơh đơ̆ng noh lu sư gô lôch hiong thoi ưh tam đei lu sư!

Êsai 14:17

Pơm kơ lu dêh char jing teh glă, pơrăm lê̆ lu plei tih, păng ưh kơ tơlĕch lu bơngai pơm bơnă brŏk tơ hnam sư kơdih?”

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Êsêkiên 28:16

Đơ̆ng ih mơdro sa tih đei mơdrŏng ih pơm kơnê̆ păng yoch; thoi noh na, ơ chêrubim gak bơwei, Inh puh lê̆ ih đơ̆ng kông Kră Yang 'Bok Kei-Dei; păng pơlôch ih đơ̆ng lu jơmŏng rang hơdah thoi ŭnh.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Êsai 13:16

Lu kon hơ'lơ̆p sư đe gô rôp teh pơhĕch 'bơ̆t tơm măt lu sư, hnam lu sư đe tơgar iŏk, akăn lu sư đe tơrôp pơgô̆.

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

Êsai 14:6

Lu bơngai mă oei lăm tơdrong hil mĭl teh pơlôch bơih kon pơlei ưh kơ pơdơh ôh. Lăm tơdrong hil mĭl pơgơ̆r bơih teh đak, pơm kơnê̆ ling-lang.

Je 50:42

Lu sư chĕp hră, tơju, khĕnh dêh ưh kơ đei băt mơnat. Jơwa re lu sư thoi đak dơsĭ poh-yă; lu sư hao aseh. Lu sư hơmet lê̆ thoi linh năm tơblah wă tơblah hăm ih. Ơ kon adruh Babilôn.

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Nhom 1:21

Đe kơtơ̆ng nơ̆r inh ôr krao. Mă-lei ưh kơ đei năm pơlung. Lu ayăt kơ inh đei tơdrong pơmat-tat, Băt kơ Ih đei pơm kơ inh na lu sư chơt hiôk, Ăn bĕ năr mă? Ih pơkă noh truh! Wă kơ lu sư kư̆m nhen thoi inh!

Nhom 5:12

Đe chô̆ atol yŏng lu nhôn, Ưh pă pơyom boih kơ lu kră.

II Ho 10:11

Na, 'bă inh ăn kơ lu iĕm tôi 'long ăt trăp dang noh boih, na inh gô ăn kơ iĕm tôi trăp hloh kơ noh dơ̆ng; 'bă inh đei teh phak lu iĕm hăm sơnguĕt, inh gô phak lu iĕm hăm hơguăt.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

II Ho 36:20

Lu bơngai mă oei arih klaih đơ̆ng đao gưm, đe rôp chông ba pơm bơnă tơ char Babilôn; lu sư pơm đĭch đam kơ pơtao hăm kơ lu kon sâu sư dĭng truh tơ chăl pơtao dêh Persia pơgơ̆r,

Esơra 5:12

Mă-lei 'bok yă lu nhôn ưh kơ chu Kră Yang 'Bok Kei-Dei plĕnh teh, na Sư jao lu nhôn tơ lăm ti Nebukatnessar, pơtao Babilôn, bơngai Kalđê; pơtao ei sơ̆ pơrăm hnam akŭm âu păng rôp kon pơlei chông ba tơ dêh Babilôn.

Nhom 4:16

Tơdrong hil blĕk Kră Yang pơm ăn kơ lu sư tơklah tơklang, sư ưh pă hue lăng dơ̆ng. Lu sư ưh pă pơyom kơ 'bok soi, Kŭm pă đei hli yom kơ bơngai kră.

Sa 1:12

Đơ̆ng noh linh jang Kră Yang khan: “Ơ Kră Yang Tih hloh! Ih gô ưh pă 'mêm kơ pơlei Jêrusalem păng lu pơlei lăm char Juđa dĭng truh dang yơ? Noh boih lu pơlei tih mă Ih đei hil kơ lu sư tơpơh-jĭt sơnăm kơ âu?”