Êsai 47:5 - Sơ̆p Hlabơar Nơ̆r 'Bok Kei-Dei

⁵ Ơ kon adruh bơngai Kalđê, hơ-oei hreh bĕ, năm bĕ lăm anih măng mu! Yua kơ đơ̆ng dang ei đe ưh pă krao ih drŏ-kăn pơtao kơ teh đak dơ̆ng bơih.

Êsai 47:5 Referans Kwoze

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Êsai 47:7

Ih khan bơih: Inh gô jing pơtao drŏ-kăn ling-lang. Ih ưh kơ đei tơchĕng ih pơm kiơ dang ei păng kư̆m ưh kơ đei tơchĕng tơdrong gô truh dơning dơmônh.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

Tơdrông Tơ'bôh 17:18

Bơngai drŏ-kăn mă ih 'bôh noh, wă pơtih gia kơ minh pôm pơlei tih pơgơ̆r jơ̆p kơ teh đak, đĭ-đăng lu 'bok pơtao.”

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

Êsai 13:10

Lu sơnglŏng păng khŭl sơnglŏng rang tơ kơpal plĕnh ti ưh pă pơchrang hơdah dơ̆ng bơih. Măt 'năr lĕch ră mă kư̆m oei măng mu, măt khei kư̆m ưh pă pơchrang hơdah dơ̆ng mơ̆n.

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 31:17

Ơ Kră Yang! 'Nĕ ăn kơ inh mơlâu, yua kơ inh krao apinh ih. Ăn kơ lu bơngai kơnê̆ mơlâu păng ngăn hreh jur tơ lăm dêh atâu!g

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.

Êsai 21:9

To lu linh hao gre aseh lu sư năm hơgrop 'bar 'bar, sư tơl khan: ‘Pơlei Babilôn pơchah răm bơih! Dôm lu rup yang sư pơchah hĕch đĭ tơ teh bơih!’ ”

Êsai 23:2

Oei hreh bĕ kon pơlei oei tơter đak dơsĭ, ơ lu bơngai mơdro pơlei Siđôn anih mă lơ bơngai năm trong đak dơsĭ pơm kơ iĕm.

Nhom 2:10

Lu Kră lu kon adruh Siôn tơoei tơ teh ưh pă đei pơma kiơ. Lu sư pung tơnuh tơ kơ̆l, hrŭk 'bi nai pơm hơbĕn ao; Lu kon adruh Isơrael kŭp kơ̆l truh tơ teh.