Êsai 47:2 - Sơ̆p Hlabơar Nơ̆r 'Bok Kei-Dei

² Iŏk bĕ tơpăl peh pơm tơpŭng bơlah; plôh lê̆ bĕ che gom muh măt ih, plôh lê̆ ao tai 'nguaih, mă klơ̆p blu na tŏk găn đak krong.

Êsai 47:2 Referans Kwoze

Mathiơ 24:41

Đei 'bar 'nu bơngai drŏ-kăn oei peh 'ba, linh jang 'lơ̆ng iŏk anhăk minh 'nu mă lui, minh 'nu ưh kơ lui lê̆ tơ noh.

Êsai 20:4

Kŭm thoi noh mơ̆n pơtao Asiri gô chông ba kon pơlei Êyiptơ păng Kus pơm bơnă đơ̆ng hơ'lơ̆p truh tơ kră năm akâu hoh păng yak jơ̆ng hoh pơdah pơtâu hoh thoi noh wă kơ teh đak Êyiptơ mơlâu.

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

Le 11:5

Na đĭ-đăng kon kơdră drŏ-nglo lăm dêh Êyiptơ gô lôch, iŏk đơ̆ng kon drŏ-nglo Pharaôn mă oei 'bơ̆t tang-dŏ pơtao, truh tơ đĭ-đăng kon đĭch, đam drŏ-kăn lu sư mă ala hloh păng đĭ lu kon sem dơrong sư su blŭng-a kư̆m lôch.

Luka 17:35

Đei 'bar 'nu bơngai drŏ-kăn peh 'ba, linh jang 'lơ̆ng gô iŏk minh 'nu mă lui, minh 'nu ưh kơ lui lê̆ 'bơ̆t noh.

Jop 31:10

Ăn akăn inh peh ăn kơ đe 'ba. Păng lê̆ kơ đe 'bĭch hơdai hăm sư.

Mi 1:11

Ơ kon pơlei Saphir yak năm hăm akâu hoh păng mơlâu! Kon pơlei Sanan ưh kơ pơ̆n lĕch. Kon pơlei Bet Esen nhơ̆m hmoi, yua kơ đe gô blah iŏk anih sư gơnang.

Hôsia 2:3

Tơdah ưh, kơnh Inh gô plôh lê̆ hơbĕn ao đơ̆ng sư lê̆ sư akâu hoh, thoi đe 'nao hơiơch kơ sư sơ̆; păng Inh pơm kơ sư thoi teh kro tơ char glă, pơm kơ sư lôch kơ rơhing.

Nhom 5:13

Lu tơdăm đe pơgŏ tôi tơpăl, lu hơ'lơ̆p tôi 'long ŭnh pơ̆k tơ ala 'long ŭnh.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 13:26

Inh gô plôh lê̆ hơbĕn iĕm truh tơ muh măt iĕm, na gô 'bôh tơdrong mơlâu iĕm.

Je 13:22

Păng tơdah ih khan lăm jơhngơ̆m ih. “Yua kơ kiơ tơdrong 'nâu truh kơ inh?” Noh yua kơ tơdrong yoch kơnê̆ ih tih tơpă. Dĭng mah đe tưk hơbĕn ih, păng đe gô tơrôp pơm kơnê̆ kơ ih.

Êsai 32:11

Lu drŏ-kăn oei hiôk-hian, tơtơ̆ bĕ, ơ lu kon drŏ-kăn ưh kơ tơtăm hli bĕ Plôh bĕ ao lu iĕm, lê̆ akâu hoh tơ̆n bĕ 'bi tơ kơiĕng lu iĕm.

Êsai 3:17

Na Kră Yang gô pơm kơ kon drŏ-kăn Siôn jĭ tơ'boch 'bĕnh kơpal kơ̆l lu sư, păng pơm kơ kơ̆l lu sư hok sŏk ưh kơ chăt.”

Bl 24:65

Păng apinh đam noh thoi âu: “Bơngai bu 'bơ̆t anăp inh to, đơ̆ng bri to wă năm tơ âu?” Đam noh tơl: “Noh boih yŏng tơ'ngla inh,” na sư iŏk che hơdrao klơ̆p lê̆ muh măt sư.

I Kor 11:5

Gah drŏ-kăn bu mă oei krao khan dah bơtho tơdrong 'Bok Kei-Dei kơplah iĕm oei akŭm 'bôh sư kơ̆l hoh ưh kơ yơ̆l kiơ, drŏ-kăn 'noh dang sư wă pơ'brơh kơ kơ̆l sư kơdih mơ̆n păng dang sư yuă sŏk 'ngôch.

Bôk Bơthô 12:4

Kơplah 'bar pah 'măng gah trong tang lê̆ re peh rai pă kơtơ̆ng, đơ̆ng nơ̆r sem asi râu tơiung ih hơdơ̆r, nơ̆r hơri chơt rai hơdar.

Êsai 3:23

Kơmĭl lăng, ao, che klơ̆p kơ̆l păng che gom muh măt.

Je 25:10

Hloh kơ noh, Inh gô pơm ăn kơ lu sư pă đei kơtơ̆ng nơ̆r đe hơri chơt hiôk, pă đei kơtơ̆ng nơ̆r keng đe hlôm pơchơt păng pă đei nơ̆r hiĕk chhôk chă klo akăn, kư̆m pă đei kơtơ̆ng re tơpăl đe peh 'ba păng kư̆m pă đei hơdah ŭnh kơđeng.

I Ho 19:4

Thoi noh Hanun rôp lu jơ̆ng 'bang Đawit hơkôih lê̆ sŏk kang, hăm kăt lê̆ ao sư minh puăt truh tơ kơiĕng đang kơ noh tơbrŏk lu sư wih.