Êsai 47:15 - Sơ̆p Hlabơar Nơ̆r 'Bok Kei-Dei

¹⁵ Đĭ dôm lu bơngai jang gleh hrat hơdai ih jing thoi noh: Dôm lu bơngai mơdro mơchan hăm ih đơ̆ng oei 'lơ̆p. Rim 'nu jrok kiơ̆ trong kơdih, ưh kơ đei bu dŏng pơklaih ih!

Êsai 47:15 Referans Kwoze

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Êsai 5:29

Lu sư ôr jơwa thoi dăm-brang akăn, gơhuh nhen dăm-brang mơlôh, lu sư grĕnh chă rôp sa sem bri păng hor ba, ưh kơ đei bu kĕ dŏng pơklaih ôh.

Êsai 43:13

Tơpă, adrol kơ đơ̆ng đei khei năr sơ̆, Inh bơih Kră Yang 'Bok Kei-Dei, ưh kơ đei bu gơh iŏk tơgar đơ̆ng ti Inh. Mưh Inh pơm, ưh kơ đei bu gơh pơgăn Inh.

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Êsai 47:13

Jơhngơ̆m ih gleh glăn yua kơ đơ̆ng iĕm chă pơđâu tơ'bôh lơ tơdrong. Iung bĕ ơ lu bơngai mă băt hlôh gah plĕnh, lăng sơnglŏng, lăng khei tơ'bang blŭng-a, na tơng khan lê̆ adrol. Lê̆ lu sư pơklaih ih đơ̆ng dôm tơdrong gô truh kơ ih 'noh.