Êsai 47:12 - Sơ̆p Hlabơar Nơ̆r 'Bok Kei-Dei

¹² Pơm dơ̆ng bĕ, pơm dôm tơdrong tơwir pơm pơjâu mơsêh hơlĕnh, mă ih nŏng kơ adrin pơhrăm đơ̆ng oei 'lơ̆p nge! Rŏ lăng gô pơyua kơ ih; rŏ lăng đơ̆ng tơdrong 'noh na ih gô tơhli đe?

Êsai 47:12 Referans Kwoze

Na 3:4

Noh yua kơ đơ̆ng bơngai đi pơm kư̆ kă pă kĕ jô̆, pơrŏ akâu chă pơhlŭ đe thoi noh. Chă hơlĕnh lu adrĕch kon bơngai hăm tơdrong pơm đi lu sư păng tĕch kon pơlei pơla hăm đi păng adrĕch adrung 'nhŏng oh sư hăm tơdrong pơm pơjâu tơwir hơlĕnh.

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Le 9:11

Lu bơngai pơjâu yua kơ pơtôch đuh lĕch ưh kơ gơh dơ̆ng 'bơ̆t anăp Môis yua kơ lu bơngai pơjâu kư̆m đei pơtôch lei-lăi thoi đĭ-đăng bơngai Êyiptơ.

Le 8:7

Lu bơngai pơjâu tơwir kư̆m pơm lei-lăi thoi noh mơ̆n, wă pơm kơ kit tih iĕ mơmŏ tŏk jơ̆p kơ dêh Êyiptơ.

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

Tơdrông Tơ'bôh 9:21

Tơdrong lu sư pơlôch đe kư̆m ưh kơ chu tơbral, oei pơlôch đe hơnơ̆ng, oei pơm pơjâu chă sol đe, ngôi pơyô kư̆ kă, chă tơtông tơmam đe.

Horiso 129:1

“Đơ̆ng kơplah inh oei 'lơ̆p lu sư ngăl juăt pơjuă pơđep inh,” Isơrael athei pơma thoi noh.

Da 2:2

Thoi noh, na pơtao krao lu bơngai hơgei, lu pơjâu, lu bơngai Kalđê wă athei tơblang tơdrong pơtao đei apo 'bôh. Lu sư năm đĭ 'bơ̆t anăp 'Bok pơtao.

Da 5:15

Dang ei lu bơngai gơh tơwir, lu pơjâu đe năm ba truh tơ âu 'bơ̆t anăp inh boih ră wă kơ lu sư đŏk chư noh păng wă kơ tơblang ăn kơ inh; mă-lei lu sư ưh kơ gơh tơblang.

Mi 3:7

Lu bơngai ngăl băt lê̆ adrol gô mơlâu păng lu bơngai khan lê̆ adrol gô mơlâu plơ̆m. Đĭ-đăng lu sư gô đơ̆p lê̆ 'bơ̆r lu sư, 'Bok Kei-Dei kư̆m pă đei tơl tơwih nơ̆r lu sư krao apinh.

Jo 22:25

Aseh iĕ 'bôh Linh jang Kră Yang sư năm gơning rok dur na jơ̆ng Balaam kep kơ dur; Balaam teh aseh sư dơ̆ng.

Êsêkiên 21:26

Kră Yang khan thoi âu: Yaih bĕ nhiêu đơ̆ng kơ̆l, plôh bĕ môk pơtao, tơdrong dang ei ưh pă thoi sơ̆ boih! Bơngai kơđeh hơtŏk bĕ tơ kơjung, bơngai kơjung tơjur bĕ tơ ala.

Da 2:11

Yua kơ tơdrong pơtao wă apinh noh khăi dêh păng ưh kơ đei bu gơh băt gơh tơblang tơdrong apo noh kơ 'bok pơtao, hli kơ lu yang đĕch gơh, yang mă ưh kơ oei arih hăm sĕch akar âu.