Êsai 47:11 - Sơ̆p Hlabơar Nơ̆r 'Bok Kei-Dei

¹¹ Na tơdrong gô truh tơ ih. Mă ih ưh kơ gơh kơ weh. Tơdrong pơmat-tat gô truh tơ ih mă ih ưh kơ gơh puh tơ nai. Tơdrong pơrăm blư truh ưh kơ tam băt. Mă ih ưh kơ băt adrol ôh.

Êsai 47:11 Referans Kwoze

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Tơdrông Tơ'bôh 3:3

Thoi noh na iĕm athei 'blŏk hơdơ̆r kơ dôm tơdrong iĕm kơtơ̆ng đe bơtho iĕm sơ̆ thoi yơ, iĕm athei pơm kiơ̆ thoi noh păng tơbral kơdih dôm tơdrong yoch mă iĕm juăt kơ pơm. Dah iĕm ưh kơ adrin pơjăng 'biơ̆, lei Inh gô năm tơ iĕm thoi bơngai tơtông kơmăng, pơm kơ iĕm đei tơdrong gleh truh kơplah iĕm ưh kơ lêng ê.

Luka 12:59

Inh khan kơ iĕm tơpă, đe oei phak iĕm khŏm khŏm 'mơ̆i, tơ̆p iĕm chu duh tôm 'mơ̆i, na đe tơlĕch tơlăi iĕm.”

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Ne 4:11

Lu bơngai areh kơ lu nhôn khan thoi âu: Lu sư gô ưh kơ băt ưh kơ 'bôh dôm tơdrong noh, gô dĭng lu bơ̆n truh tơ lăm lu sư, pơlôch đĭ lu sư păng pơm kơ lu sư pơdơh kơ tơdrong jang.

Mathiơ 18:34

'Bok pơtao ơh kơ bơngai noh ưh kơ băt mơnat kơ bôl sư, na 'bok pơtao jao bơngai noh kơ 'bok tih wei hnam phak, chĭt sư lăm hnam phak tơ̆p sư duh tôm kơ 'bok pơtao.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Luka 17:27

Hơdrol kơ đak lip sơ̆ kon bơngai kư̆m oei pơm sa et pơrŏ, thoi et pơkong, et sa tơdrong noh nai dang lĕ kơ năr oei hiôk-hian thoi krô hmă; truh tơ Nôê mơ̆t lăm duk, lu sư kư̆m ưh tam mă băt 'mơ̆i, na truh hĭ kơ đak lip, lu sư lôch đĭ.

Horiso 35:8

Ăn tơdrong răm truh kơ lu sư ưh kơ tam băt. Rŏ kơ hơnhuăl lu sư dăng 'leh lu sư kơdih. Ăn kơ lu sư huŏng tơ sơlŭng noh păng lôch đĭ.

Horiso 55:15

Ăn tơdrong lôch truh tơ lu ayăt kơ inh! Tơjur lu sư oei arih tơ lăm dêh atâu. Yua kơ tơdrong kơnê̆ oei tơ lăm hnam, lăm jơhngơ̆m lu sư.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Tơdrông Pơđơk 13:21

Tơdrong pơmat-tat druh lu bơngai yoch. Mă-lei bơngai tơpăt đei apah pŭn hiôk.

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 29:5

Mă-lei lu đe ayăt kơ ih lơlap nhen 'bruih 'mui teh rơpŭk, lu đe pơm kơnê̆ dêh gô nhen hơkam 'ba kial bơbơ̆t, tơdrong noh gô truh ngei ngei ưh kơ tam băt ôh.

Êsai 30:13

Na tơdrong yoch lu iĕm nhen thoi dur kơjung đĭ hơđang pơchah wă jê̆ păk păng gô hơlih răm hĕch hoch, ưh kơ tam băt.

Êsai 45:7

Inh bơih Tơ'ngla pơm đei tơdrong hơdah păng pơjing tơdrong măng mu, pơm đei tơdrong hiôk-hian păng kư̆m ăn đei tơdrong pơrăm, Inh bơih Kră Yang Tơ'ngla pơm dôm tơdrong noh.

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 57:1

Bơngai 'lơ̆ng tơpăt lôch đĭ. Ưh kơ đei bơngai bu 'blŏk hơdơ̆r. Bơngai đei jơhngơ̆m đon 'mêm mơnat đĭ hiong. Ưh kơ đei bơngai bu băt tơchĕng khan. Bơngai 'lơ̆ng tơpăt Kră Yang iŏk sư wă kơ sư huay kơ 'bơm tơdrong truh răm.

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Je 51:29

Teh đak pơpơ̆ pơpol, yua kơ Kră Yang wă pơm. Pơm kơ dêh char Babilôn jing char glă, Ưh pă đei bơngai oei.

Je 51:43

Lu pơlei sư jing juơ, Teh đak Babilôn hrĕng kro jing juơ ưh pă đei bơngai oei, Kŭm ưh kơ đei bơngai bu chă yak drong găn.

Nhom 1:21

Đe kơtơ̆ng nơ̆r inh ôr krao. Mă-lei ưh kơ đei năm pơlung. Lu ayăt kơ inh đei tơdrong pơmat-tat, Băt kơ Ih đei pơm kơ inh na lu sư chơt hiôk, Ăn bĕ năr mă? Ih pơkă noh truh! Wă kơ lu sư kư̆m nhen thoi inh!

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.