Êsai 45:8 - Sơ̆p Hlabơar Nơ̆r 'Bok Kei-Dei

⁸ Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Êsai 45:8 Referans Kwoze

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Êsai 61:11

Nhen thoi teh pơm ăn kơ 'long bluh tơmơ̆ng thoi pơgar rei adrĕch bluh chăt thoi yơ. Na Kră Yang kư̆m pơm ăn kơ tơdrong 'lơ̆ng tơpăt, păng tơdrong bơnê ư-ang bluh chăt 'bơ̆t anăp rim kơ adrĕch kon bơngai thoi noh mơ̆n.

Horiso 72:6

Pơtao gô jur thoi 'mi jruh tơ kơpal mir nhen thoi 'mi tih jruh hơiuh tơ teh.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Jôel 3:18

Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Êsai 53:2

Sư wơ̆ kơjung 'bơ̆t anăp Kră Yang thoi lĕ minh pôm 'long 'lơ̆p chăt bluh đơ̆ng rơh lăm teh hrĕng kro. Sư ưh kơ đei 'lơ̆ng hơbŏ rŏ; wă kơ lu bơ̆n lăng tơ sư, sư ưh kơ đei tơdrong 'lơ̆ng gah 'nguaih wă kơ lu bơ̆n lăp.

Horiso 72:3

Ăn lu kông gô ba tơdrong hiôk jơnap kơ kon pơlei pơla, lu groi đei plei tơdrong 'lơ̆ng tơpăt

Êphêsô 4:24

na jing bơngai 'nao, bơngai mă 'Bok Kei-Dei pơjing hơbŏ thoi Sư, wă kơ bơ̆n pơm 'lơ̆ng tơpăt kiơ̆ thoi Sư wă.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Êsêkiên 34:26

Inh gô ăn dơ̆ng kơ lu sư tơring jum dăr kơ kông inh. Inh gô ăn đak 'mi trŏ kơ bơyan, đak 'mi pŭn hiôk.

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Horiso 68:8

Teh gô pơpơ̆, đơ̆ng plĕnh gô đei 'mi jur 'bơ̆t anăp Kră Yang 'Bok Kei-Dei. Kông Sinai kư̆m pơpơ̆ 'bơ̆t anăp Kră Yang 'Bok Kei-Dei, jơ̆ Kră Yang 'Bok Kei-Dei lu bơngai Isơrael.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

II Pot 19:25

Tơdrong noh Inh pơkă wă pơm 'nâu đunh đơ̆ng sơ̆ bơih, ih ưh kơtơ̆ng hă? Tơdrong kiơ mă Inh pơkă wă pơm đơ̆ng sơ̆ noh dang ei Inh pơm truh bơih, wă kơ ih pơm kơ lu pơlei tih kơjăp dĭng jing anih rơ̆m rek.

Êsai 44:24

Kră Yang, đei khan thoi âu: “Inh huai iŏk lu iĕm Inh pơjing lu iĕm đơ̆ng lăm klak. Inh bơih Kră Yang, Inh bơih Tơ'ngla pơm pơjing tôm tơmam. Minh 'nu Inh đĕch bơlang lu plĕnh, lơ̆k teh âu, ưh kơ đei bu 'nguaih kơ Inh.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.