Êsai 45:5 - Sơ̆p Hlabơar Nơ̆r 'Bok Kei-Dei

⁵ Inh bơih Kră Yang, ưh kơ đei yang nai dơ̆ng ôh, 'nguaih kơ Inh ưh kơ đei Yang nai dơ̆ng. Mă đơ̆ng ih ưh kơ băt kơ inh, Inh gô ăn kơ ih pran kơtang.

Êsai 45:5 Referans Kwoze

Êsai 46:9

Lu iĕm athei 'blŏk hơdơ̆r bĕ chăl adrol sơ̆, yua kơ Inh bơih Kră Yang 'Bok Kei-Dei ưh kơ đei yang nai ôh; Inh jơ̆ 'Bok Kei-Dei ưh kơ đei bu dang Inh.

Êsai 44:8

'Nĕ kơ hli 'nĕ kơ tơtơ̆ ôh, hăm trŏ kơ đơ̆ng sơ̆ Inh roi tơbăt kơ iĕm bơih. Lu iĕm pơm kơdranh gah Inh. 'Nguaih kơ Inh hăm đei Yang nai dơ̆ng ưh? Tơpă ưh kơ đei Tơmo tih nai dơ̆ng ôh, Inh băt ưh kơ đei bu!

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

I Pot 8:60

Wă kơ lu kon pơlei pơla lăm ala teh đak băt kơnăl kơ Sư Kră Yang 'Bok Kei-Dei, 'nguaih kơ Sư ưh pă đei yang nai bơih.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Both 4:35

Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Jop 12:21

Sư tuh tơdrong chhŭr nuih kơpal lu bơngai tih mơng. Yaih tơlei tơ̆n đơ̆ng lu bơngai pran.

Horiso 18:39

Yua kơ Ih tơ̆n ăn kơ inh hăm tơdrong kơtang wă kơ tơblah, Ăn kơ bơngai ayăt kơ inh chu drap 'bơ̆t ala jơ̆ng inh.

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Horiso 18:32

Kră Yang 'Bok Kei-Dei tơ̆n ăn kơ inh hăm tơdrong pran kơtang, Păng pơm kơ trong inh dơnă.

Yo 1:1

Đei minh 'nu Sư dang nơ̆r 'Bok Kei-Dei, Sư jur tơ bơ̆n wă kơ bơ̆n hlôh tơdrong 'Bok Kei-Dei. Đơ̆ng blŭng-a sơ̆ tam đei plĕnh teh, Sư đei boih. Sư oei hơdai păng Kră Yang 'Bok Kei-Dei, mă Sư kư̆m Kră Yang 'Bok Kei-Dei mơ̆n.

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Êsai 22:21

Iŏk ao ih pơhrŭk ăn kơ sư, tơ̆n ăn kơ sư tơlei tơ̆n ih, iŏk tơdrong pơgơ̆r đơ̆ng ih pơjao ăn lăm ti sư, sư gô pơm 'bă kơ kon pơlei oei lăm Jêrusalem păng bơngai Juđa.

Jop 12:18

Sư yaih glang đêl lu pơtao chô̆. Păng tơ̆n kơpen tơ kơiĕng lu sư.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Horiso 18:31

'Nguaih kơ Kră Yang, Bu dơ̆ng Kră Yang 'Bok Kei-Dei? 'Nguaih kơ Kră Yang 'Bok Kei-Dei, bu dơ̆ng thoi Tơmo tih?

Êsai 43:10

Kră Yang khan: “Lu iĕm bơih bơngai pơm kơdranh gah Inh, đĭch đam Inh mă đei rơih iŏk bơih, wă kơ lu iĕm băt păng lui kơ Inh, păng hlôh kơ Inh bơih Kră Yang iĕm noh! Ưh kơ đei 'Bok Kei-Dei ayơ mă pơjing đei adrol kơ Inh păng đơ̆ng rŏng kơ Inh kư̆m ưh kơ đei.

Êsai 45:1

Kră Yang khan kơ Sirus bơngai Sư rơih tuh đak pơgang 'bâu phu. Inh rôp ti 'ma sư bơih wă pơm kơ lu dêh char chu kơ sư, na Inh iŏk lê̆ tơmam tơblah lu pơtao, wă pơih 'măng Jang pơlei, 'bơ̆t anăp sư, na đe ưh kơ gơh tang dơ̆ng!

Êsai 45:6

Wă kơ đĭ lu bơngai dơ̆ng anih măt 'năr lĕch. Truh tơ anih măt 'năr mơ̆t, wă kơ lu sư băt ưh kơ đei Yang nai ôh 'nguaih kơ Inh. Inh bơih Kră Yang, ưh kơ đei yang nai dơ̆ng ôh.

Êsai 47:8

“Thoi noh, ơ lu bơngai 'maih hiôk đĕch. Tơchĕng khan ưh pă đei tơdrong anat kiơ đơ̆ng âu tơ anăp, mơ̆ng bĕ âu: Ih khan lăm jơhngơ̆m. ‘Inh âu, adrĕch yŏng mơng ưh pă đei bơngai bu dang inh, inh gô ưh kơ đei layơ sơ'ngon thoi yă adro kư̆m ưh kơ đei nhơ̆m hmoi thoi bơngai hiong kon hơ'lơ̆p.’

Êsêkiên 30:24

Inh gô ăn kơ ti pơtao Babilôn pran păng ăn đao Inh lăm ti sư; Inh gô gơ̆ lê̆ ti Pharaôn, pơtao Êyiptơ na sư gô hmoi ôr 'bơ̆t anăp pơtao Babilôn thoi minh 'nu bơngai rơka ôr wă jê̆ lôch.

Horiso 18:33

Sư pơm kơ jơ̆ng inh hơbĕch thoi jơ̆ng juei akăn, Păng hơtŏk dan inh tơ anih kơjung.

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!