Êsai 45:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ Sirus bơngai Sư rơih tuh đak pơgang 'bâu phu. Inh rôp ti 'ma sư bơih wă pơm kơ lu dêh char chu kơ sư, na Inh iŏk lê̆ tơmam tơblah lu pơtao, wă pơih 'măng Jang pơlei, 'bơ̆t anăp sư, na đe ưh kơ gơh tang dơ̆ng!

Êsai 45:1 Referans Kwoze

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Horiso 73:23

Mă-lei, inh oei hăm Ih ling-lang; Ih rôp ti 'ma inh.

Êsai 41:13

Yua kơ Inh bơih Kră Yang 'Bok Kei-Dei lu iĕm: Tơ'ngla rôp ti 'ma lu iĕm, păng khan kơ lu iĕm, 'nĕ kơ hli ôh Inh gô tơgŭm lu iĕm;

Je 51:11

Maih bĕ 'brơ̆m tah 'bĕnh kơ jŏ chĕp bĕ khêl, Kră Yang pơdrŭt jơhngơ̆m lu pơtao char Mêđi, Iung blah dêh char Babilôn, Trŏ kơ Kră Yang pơlôch pơrăm sư. 'Nâu boih Kră Yang pơm tơwih. Sư pơm 'mong kơ hnam Sư.

Je 50:35

Kră Yang khan: “Đao gưm gô blah plơ̆ bơngai Kalđê, lu kon pơlei oei lăm Babilôn, lu yŏng pơgơ̆r păng lu bơngai hơgei lăm char sư.

Êsai 45:5

Inh bơih Kră Yang, ưh kơ đei yang nai dơ̆ng ôh, 'nguaih kơ Inh ưh kơ đei Yang nai dơ̆ng. Mă đơ̆ng ih ưh kơ băt kơ inh, Inh gô ăn kơ ih pran kơtang.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Na 2:6

'Măng jang đak krong tơpơih đĭ truh tơ hnam pơtao pơchah đĭ.

Da 7:5

'Nâu sem brem mă 'bar, hơbŏ thoi chơgơu; sư dơ̆ng cheng minh pah akâu. Đei pêng tŏ kơting jơmir lăm 'bơ̆r sơlam hơnĕnh; kơpơ̆ng hăm ala păng đe khan kơ sư thoi âu: Iung bĕ; luăn sa lu sĕch mă lơ.

Êsai 13:3

Inh tơtă ăn bơih kơ lu bơngai mă 'lơ̆ng rơgoh Inh; Inh krao bơih lu bơngai nuih kơtang Inh wă pơm pơtruh tơdrong Inh hil mĭl, lu Sư chhôk hal pơm tơdrong Inh wă.

Jop 12:21

Sư tuh tơdrong chhŭr nuih kơpal lu bơngai tih mơng. Yaih tơlei tơ̆n đơ̆ng lu bơngai pran.

Da 5:6

Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.

Je 27:6

Dang ei, Inh jao đĭ-đăng teh đak iĕm lăm ti Nebukatnessar, pơtao Babilôn, đĭch đam Inh; Inh kư̆m ăn đĭ lu sem bri chu kơ sư.

Êsai 41:2

Bu râu tơiung bơngai đơ̆ng gah hơlĕch? Kră Yang Krao sư năm bơ̆jang lăm tơdrong 'lơ̆ng tơpăt. Kră Yang jao đĭ teh đak ăn kơ sư, pơjuă lu pơtao tơ ala jơ̆ng sư, sư pơm kơ lu pơtao nhen 'bruih teh hăm đao gưm sư, jao lu pơtao hră sư pơm kơ lu sư thoi hơkam 'ba kial bơbơ̆t pơđông đĭ.

I Pot 19:15

Kră Yang khan kơ sư: “Ih brŏk hơlơ̆k bĕ trong đêl ih năm 'noh truh tơ Pơlei Đamas. Mưh ih truh tơ noh bơih ih tuh đak rơmă 'bâu phu kơ Hasael pơm pơtao char Siri.

Da 8:3

Inh ngơk lăng 'bôh, đei minh pôm triu tơno đơ̆ng cheng glung, đei 'bar tŏ hơke, 'bar tŏ hơke sư kơjung, mă-lei đei minh pôm hơke kơjung hloh kơ hơke pah to păng hơke mă kơjung noh chăt đơ̆ng rŏng.

Je 50:3

Đei dêh char đơ̆ng yă-nơ̆m blah sư, Pơm kơ dêh char noh jing juơ tơtŭng. Tơ noh pă đei bơngai oei, Mă kon bơngai păng lu kon sem brem kơdâu jăk đĭ.”

Êsai 41:25

Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Êsai 13:2

Pơdơ̆ng bĕ hla-kơ tơ kơpal wĕch kông mơ-mlưch! Ôr krao lu sư bĕ, kơkuơch lu sư bĕ, ba lu sư năm mơ̆t tơ 'măng jang lu bơngai yŏng mơng!

Êsai 48:15

Inh, Inh đei pơma bơih, tơpă Inh đei krao iŏk sư, Inh gô ba sư. Sư gô kĕ jei hiôk lăm trong sư jang.

Je 43:10

Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

Je 51:30

Lu linh dêh char Babilôn pơdơh tơblah, ôn akâu lu sư lăm kơđông kơjăp. Lu sư rơmơ̆n, jing thoi drŏ-kăn. Hnam lu sư đe soh đĭ, chơkăl 'măng jang lu pơlei sư tơgơ̆ boih.

Je 51:58

Kră Yang Tih Hloh khan: “Dur pơlei Babilôn hơ'bơ̆l, đe gô teh tơlơ̆ hơlih păk đĭ tơ teh, Lu 'măng jang sư kơjung ră, đe gô soh sa đĭ; kon pơlei gleh hrat mă ưh kơ yua kiơ, lu adrĕch adrung bơ̆jang gleh lap ăn kơ ŭnh sa đĕch.”

Êsêkiên 29:20

Inh gô pơjao char Êyiptơ ăn kơ sư wă apah tơdrong pơmat gleh sư hlôi blah iŏk, yua kơ sư đei bơ̆jang kơ Inh. Kră Yang khan thoi noh.

Da 8:4

Kơplah noh inh 'bôh triu tơno năm tơ̆m hơnhaih tơ gah bơmơ̆t, gah yă-nơ̆m păng gah gơal. Ưh kơ đei kon sem brem kiơ gơh kĕ tơblah hăm sư păng ưh kơ đei bu kĕ pơklaih đơ̆ng ti sư. Sư wă pơm kiơ mơ̆ng kơ sư wă păng sư jing rai tih.

Na 3:13

'Nâu kon pơlei ih, lu linh ih rơdu thoi bơngai drŏ-kăn oei tŏk-bŏk ih. Lu 'măng jang char ih pơih boih rai să ăn kơ lu linh ayăt mơ̆t ŭnh sa đĭ boih lu mam chơkăl sư.