Êsai 44:28 - Sơ̆p Hlabơar Nơ̆r 'Bok Kei-Dei

²⁸ Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Êsai 44:28 Referans Kwoze

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

Êsai 45:1

Kră Yang khan kơ Sirus bơngai Sư rơih tuh đak pơgang 'bâu phu. Inh rôp ti 'ma sư bơih wă pơm kơ lu dêh char chu kơ sư, na Inh iŏk lê̆ tơmam tơblah lu pơtao, wă pơih 'măng Jang pơlei, 'bơ̆t anăp sư, na đe ưh kơ gơh tang dơ̆ng!

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Êsai 45:13

Inh gô tơiung sirus pơm tơdrong 'lơ̆ng tơpăt Inh, păng gô pơm ăn kơ trong sư tơpăt, sư gô pơm ming pơlei tih Inh păng tơlĕch lu kon pơlei Inh đơ̆ng đe puh ba pơm bơnă ưh kơ kăl kơ huai iŏk hăm tơmam apah ôh.” Kră Yang Tih Hloh khan thoi noh.

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Êsai 46:11

Inh gô krao sem klang đơ̆ng gah hơlĕch; păng krao bơngai đơ̆ng dêh ataih pơm tơdrong inh wă. Tơdrong Inh pơma bơih, Inh gô pơm keh, dôm tơdrong Inh pơkă bơih, Inh gô pơm.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Êsai 42:15

Inh wă pơrăm lê̆ kông groi Inh pơm kơ lu 'nhĕt 'long jô kro, Inh gô pơm kơ glung krong jing teh hrĕng đak dơnâu gô hrơ̆.

Êsai 14:32

Wă tơl tơwih liơ kơ bơngai pơtruh nơ̆r đơ̆ng minh pôm teh đak? Tơl tơwih khan: “Kră Yang pơjing kơjăp bơih Siôn păng lu kon pơlei Sư mă ơh sơ'ngon pơmat-tat gô kơ'nơp lăm noh.”

II Ho 36:23

Sirus pơtao Phersia khan: “Kră Yang 'Bok Kei-Dei kơpal plĕnh đei ăn boih kơ inh pơgơ̆r dêh char lăm teh đak âu, Sư athei wă kơ inh man pơjing Hnam Akŭm tih kơ Sư tơ pơlei Jêrusalem lăm char Juđa. Lăm lu iĕm, bu mă kon pơlei pơla Sư, năm bĕ tơ pơlei Jêrusalem; hơpơi apinh Kră Yang 'Bok Kei-Dei oei hơdai sư, ăn kơ sư tŏk năm!” 11-Nov-2014@18:29, Backup Description=

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Êsai 41:27

Inh bơih mă adrol hloh roi kơ Siôn khan: “Lăng, lu sư âu!” Inh gô wơh minh 'nu rup Yang năm roi tơdrong 'nao 'lơ̆ng tơ plei Jêrusalem.

Êsai 54:11

Ơ lu bơngai oei pơmat-tat, đơ̆ng kial hơbŭt huơ̆r ưh kơ đei bu pơlung. 'Nâu Inh gô man ih hăm tơmo gĭt, lơ̆k hơnă ih păng tơmo gĭt Saphir.

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Je 27:6

Dang ei, Inh jao đĭ-đăng teh đak iĕm lăm ti Nebukatnessar, pơtao Babilôn, đĭch đam Inh; Inh kư̆m ăn đĭ lu sem bri chu kơ sư.

Je 43:10

Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.