Êsai 44:19 - Sơ̆p Hlabơar Nơ̆r 'Bok Kei-Dei

¹⁹ Ưh kơ đei bu gơh chă tơchĕng. Ưh kơ đei bu hlôh băt, wă pơma khan: “Inh tơkuh iŏk minh puăt bơih pơm 'long ŭnh inh 'buh 'bĕng kơpal ngar ŭnh, 'buh 'nhĕm păng inh sa bơih. Oei rơkah pă minh puăt inh hăm yua pơm tơmam krưp đe areh ưh? Inh hăm năm bon kơkuh kơ minh jăl 'long ưh?”

Êsai 44:19 Referans Kwoze

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

I Pot 11:7

Kơpal groi gah hơlĕch kơ pơlei Jêrusalem Sôlômôn man minh pôm hnam kơ Kêmôs yang lu bơngai Môap păng kơ yang Môlek yang lu bơngai Ammôn.

I Pot 11:5

Yua kơ Sôlômôn kơkuh kơ Astoret yang drŏ-kăn yang lu bơngai Siđôn păng chu kiơ̆ kơ Milkôm yang lu bơngai Ammôn yang kơnê̆ dêh.

Hôsia 7:2

Mă-lei lu sư ưh kơ tơchĕng ôh kơ Inh oei 'blŏk kơ đĭ-đăng tơdrong kơnê̆ lu sư pơm. Tơdrong yoch lu sư pơm wang tăp dăr kơ lu sư, tơdrong lu sư pơm oei 'bơ̆t anăp Inh.

Êsêkiên 40:4

Bơngai noh khan kơ inh: Ơ kon bơngai athei lăng mă hơlen, athei mơ̆ng mă nhen tôm tơdrong mă inh gô tơ'bôh ăn kơ ih yua kơ ih năm tơ âu wă kơ lăng dôm tơdrong âu. Thoi noh tôm tơdrong ih 'bôh athei roi ăn kơ adrĕch Isơrael.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 5:13

Yua ưh kơhlôh kơwao na kon pơlei pơla Inh jing pơm đĭch đe, lu bơngai yŏng mơng jing lôch kơ pơngot rơwĕt, kon pơlei lu sư jing ol ăk yua kơ rơhing kơ đak.

II Pot 23:13

Sư pơm pơ'mê̆ lê̆ lu hnam kơkuh kơ yang nai pơm tơ anih kơjung gah hơlĕch Pơlei Jêrusalem, gah gơal kơ Kông lôch răm, lu anih kơkuh kơ yang noh Sôlômôn pơtao đe Isơrael pơm wă soi sơmah kơ yang Astoret rup yang mă kơnê̆ krưp dêh lu bơngai Siđôn, pơm yang Kêmôs rup yang mă kơnê̆ krưp dêh lu bơngai Môap, pơm yang Mơlek rup yang mă kơnê̆ dêh lu bơngai Ammôn.

Both 32:46

na sư khan kơ kon pơlei: Lăm jơhngơ̆m lu iĕm athei wei răk bĕ đĭ dôm nơ̆r inh roi ăn kơ lu iĕm lăm năr 'nâu, wă kơ lu iĕm gơh bơtho ăn kơ lu kon sâu iĕm pơm kiơ̆ dôm nơ̆r lăm khôi juăt noh.

Le 7:23

Pharaôn wih brŏk tơ hnam sư jơhngơ̆m sư ưh kơ đei hiơ̆k tơchĕng kiơ kơ tơdrong noh.

Hagai 1:5

Thoi noh dang ei Kră Yang Tih Hloh khan thoi âu: ‘Lăng bĕ trong iĕm năm.

Êsai 46:8

'Blŏk hơdơ̆r bĕ dôm tơdrong âu, tơchĕng mă hơlen bĕ! Ơ lu bơngai kơchu lu iĕm athei tơchĕng 'blŏk bĕ tơdrong noh lăm kơ̆l.

II Pot 23:14

Sư teh pơchah lê̆ lu rup yang pơm păng tơmo, kăl tơpăk lê̆ gơ̆ng rup yang yă Asêra păng tuh pơlŭl lê̆ kơting bơngai tơ noh.

Êsai 44:18

Lu bơngai noh ưh kơ băt păng ưh kơ tơchĕng lăng yua kơ măt lu sư tep na ưh kơ 'bôh, jơhngơ̆m đon lu sư kư̆m chĭt lê̆ na lu sư ưh kơ hlôh.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.