Êsai 44:17 - Sơ̆p Hlabơar Nơ̆r 'Bok Kei-Dei

¹⁷ 'Long mă oei rơkah sư iŏk pơm rup yang, rup mă pơm kơdih na drap kŭp kơ̆l 'bơ̆t anăp rup noh na sư kơkuh, krao khan apinh rup yang sư pơm noh khan: “Apinh dŏng pơklaih inh yua kơ ih jơ̆ yang inh!”

Êsai 44:17 Referans Kwoze

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Da 6:27

Sư boih mă dŏng pơklaih păng yaih achăng, pơm lơ tơdrong hlĭch păng chrơp tơ kơpal plĕnh ala teh dŏng pơklaih boih Đaniel đơ̆ng tơdrong pran kơtang dăm-brang.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Êsai 37:38

Minh năr noh sư oei kơkuh lăm hnam yang sư Nisrŏk, na kon drŏ-nglo sư Adrammelek păng Sarêsar iŏk đao 'bet pơlôch sư, đang kơ noh bre sư kơdâu ôn tơ dêh Ararat, kon drŏ-nglo sư Êsarhađôn pơgơ̆r tơplih sư.

I Pot 18:26

Thoi noh lu sư iŏk rơmo dui ba tơ noh, kăt hlơ-hlah pơm hơmet, Đơ̆ng noh lu sư krao apinh hăm anăn yang Baal: Ơ Baal! Apinh tơl tơwih nơ̆r nhôn. Mă-lei ưh kơ đei nơ̆r tơl tơwih; lu sư suang pơplŏng tăp dăr kơ chơnang soi lu sư pơm 'noh, đơ̆ng pơgê hrôih truh tơ 'năr dơ̆ng.

Jang 19:27

Na bơ̆n athei kơchăng hli kơ đe jô̆ kơ tơdrong jang bơ̆n ưh kơ 'lơ̆ng păng hnam kơkuh kơ yang Dian bơ̆n, yang tih tơpă ră, kơnh đe khan jing ưh kơ gĭt. Dang ei đĭ-đăng bơngai dêh char Asi păng jơ̆p kơ teh đak lui kơkuh kơ yang Dian, yang tih tơpă. Na ning-mônh hli kơ đe ưh pă ư-ang kơ yang Dian bơ̆n dơ̆ng.”

I Pot 18:28

Kơtơ̆ng lei lu sư krao ôr rai rơ̆n, iŏk đao tơju raih akâu lu sư kơdih pham lĕch djrông djrang mang.

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Êsai 44:15

'Long noh đe yua pơm 'long ŭnh tơkuh; iŏk tŏ sĕt pơm ŭnh wă nhur păng kư̆m yua wă tơkuh ŭnh pơm 'bĕng. Đe kư̆m yua iŏk 'long noh pơm rup yang na kơkuh kơ sư, Traih pơm minh pôm rup, na bon kơkuh kơ sư.

Êsai 44:16

Minh puăt sư iŏk tơkuh lăm ŭnh, na lăm minh puăt 'long ŭnh noh sư 'buh 'nhĕm, păng sa phĭ hrăp. Sư nhur ŭnh noh mơ̆n păng khan: Hah ha! Inh nhur âu mơn tơtŏ dêh,

Êsai 46:6

Lu sư iŏk maih đơ̆ng lăm kơdŭng păng iŏk hu kŏng hăm 'long kŏng, lu sư mưng apah bơngai tuh hling maih pơm rup yang, đơ̆ng noh drap kơkuh.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Mi 5:12

Inh gô pơrăm lu rup yang păng lu gơ̆ng soi đêl lu iĕm man. Na lu iĕm ưh pă đei bon kơkuh dơ̆ng.

Habakuk 2:19

Răm-'băm tơpă kơ lu đe bu khan kơ 'long rup pơm 'bih thoi âu: ‘Ih hơđơ̆r bĕ! Păng khan kơ rup yang tơmo klĭk thoi âu: ‘Iung bĕ ih!’ Bơtho tơ'bôh lu nhôn? Âu, sư noh jơ̆ kơtuăl hu maih đĕch, ưh kơ gơh dui jơhngơ̆m.